Sheebah Karungi yasabiwe gufungwa azira kwiyambika ubusa mu ruhame

Yanditswe na IGIHE
Kuya 13 Werurwe 2018 saa 11:53
Yasuwe :
0 0

Sheebah Karungi wo muri Uganda yasabiwe ibihano bikarishye birimo gufungwa ubuzima bwe bwose aryozwa imyambarire ye ishitura abagabo no kugaragaza imyanya y’ibanga mu ruhame.

Uyu mukobwa ubu uri imbere mu bakunzwe kandi bagezweho muri Uganda yataramiye mu Rwanda mu bihe bitandukanye anafitanye indirimbo na Kitoko Bibarwa bise ‘I Am In Love’ na ‘Binkolela’ yakoranye na The Ben.

Karungi Sheebah avuka kuri se w’Umunyarwanda na nyina w’Umugandekazi ufite inkomoko muri Ankole. Muri 2012 Sheebah yaje kuba i Kigali aho yakoreraga ibitaramo muri The Manor Hotel i Nyarutarama.

Chimpreports yatangaje ko Komite ishinzwe gucunga no guhangana n’abakwirakwiza ibikorwa by’urukozasoni muri Uganda yikomye imyambarire ya Sheebah Karungi kuko ‘ihabanye n’umuco wa Uganda’ ndetse ko ikwirakwiza ingeso mbi muri iki gihugu.

Abantu icyenda bagize iyi komite irwanya ibikorwa by’ubusambanyi no gukwirakwiza amashusho y’urukozasoni muri Uganda yateranye iyobowe na Dr. Annette Kezaabu Kasimbazi ishimangira ko imyambarire ya Sheebah Karungi ibangamye cyane bityo ko akwiye gufatwa agafungwa.

Dr. Annette Kezaabu Kasimbazi yagize ati “Uyu muhanzi Sheebah nabonye amafoto ye menshi, iteka uzamubona yambaye ubusa. Akunze kwambara ibimeze nk’akayunguruzo ubundi akambara ibyo kogana kandi ukabona bibonerana cyane.”

Yongeyeho ko iyi komite igiye kwifashisha ibimenyetso ifite ku myambarire y’uyu mukobwa waririmbye ‘Nkwatako’ akaregwa. Yagize ati “Tugiye kumukurikirana dukoresheje ibimenyetso twamaze kubona.”

Iyi komite yashyizweho na Minisitiri ufite mu nshingano imyitwarire Simon Lokodo mu guhanagana n’ibikorwa n’amakuru y’urukozasoni bikunze gusakazwa muri Uganda.

Sheebah Karungi ukunzwe kwiyita ‘Muwe’ cyangwa Karma Queen azwiho kwambara utwenda duto ahanini tugaragaza amabere ku buryo hari ibitaramo ajyamo yambaye akenda kayafata gusa n’agakabutura kagufi.

Uyu muhanzi akunze kwambara imyenda akagaragaza amabere
Ubwo aheruka kuza i Kigali nabwo yari yambaye ibigaragaza amabere n'inda
Mu gitaramo yakoreye i Kigali ni uku Sheebah yaje yambaye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza