Shanitah yatangiye gushaka amajwi azamugeza mu ba mbere muri Miss University Africa

Yanditswe na Munyengabe Murungi Sabin
Kuya 16 Kanama 2018 saa 08:45
Yasuwe :
1 0

Umunyana Shanitah na bagenzi be bahataniye ikamba rya Miss University Africa uyu mwaka, batangiye gushaka amajwi y’ibanze azahesha umukobwa kuza mu myanya ya mbere y irushanwa rizaba mu Ukuboza 2018.

Umunyana Shanitah , afite imyaka 19, areshya na metero 1.84, agapima ibiro 55. Ni umwe mu bakobwa 20 bahataniye ikamba rya Miss Rwanda 2018, yahagarariye Intara y’Amajyepfo atahana agirwa igisonga cya Mbere.

Ubu, ahagarariye u Rwanda mu irushanwa ry’ubwiza rya Miss University Africa 2018, ahatanye n’abakobwa bo mu bihuhugu 53. Abakobwa bose batoranyijwe guhatanira ikamba uyu mwaka, batangiye gushaka amajwi ya mbere biciye ku mbuga nkoranyambaga z’irushanwa.

Kuri Facebook na Instagram niho hari kubera amatora yatangiye kuri uyu wa Gatatu tariki ya 15 Kanama 2018, guha amahirwe umukobwa ni ugukanda LIKE ku ifoto ye hanyuma abazarusha abandi kwishimirwa n’abakurikiranye irushanwa bizabaha amahirwe yo kwinjira mu icumi ba mbere ku munsi wo gutanga ikamba.

Umunyana Shanitah ahatanye n’abakobwa bo muri Zimbabwe, Zambia, Uganda, Togo, Tanzania, Swaziland, Sudan, Sudani y’Epfo, Afurika y’Epfo, Somalia, Sierra Leone, Seychelles, Senegal, Sao Tome, Nigeria, Niger, Namibia, Mozambique, Morocco, Mauritius, Mauritania, Mali, Malawi.

Harimo kandi abo mu bihugu bya Madagascar, Liberia, Lesotho, Kenya, Guinea, Guinea Bissau, Ghana, Gambia, Ethiopia, Eritrea, Djibouti, Ivory Cost, Congo Brazzaville, Gabon, RDC, Comoros, Chad, Central African Republic, Cape Verde, Cameroon, Burundi, Burkina Faso, Botswana, Benin, Angola, Algeria n’ibindi.

Shanitah yabwiye IGIHE ko yiteguye kuzitwara neza muri iri rushanwa mpuzamahanga akaba yahigika bagenzi be bazahatana baturutse mu bihugu bitandukanye.

Yagize ati “Niteguye neza kugira ngo na ririya kamba ndizane, nzaba mpanganye n’abakobwa baturutse mu bindi bihugu kandi nabo bifuza gutsinda ariko nzagerageza uko nshoboye nitware neza.”

Umutoniwase Linda uheruka guserukira u Rwanda muri Miss University Africa yasoje ari mu icumi ba mbere mu gihe Lorriane Nadal wo muri Mauritius yatwaye ikamba. Irushanwa ryamaze ibyumweru bitatu ribera muri Nigeria, gutora uwatsinze byabaye mu ijoro ryo ku itariki ya 2 Ukuboza 2017.

Umunyana Shanitah uhagarariye u Rwanda muri Miss University Africa
Uyu mukobwa yizeye kuzitwara neza byanashoboka agatahana ikamba

- Uko watora Miss Shanitah biciye kuri Instagram

- Uko wamuha amahirwe biciye kuri Facebook


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza