Sesiliya wakunzwe mu ikinamico Urunana yitabye Imana

Yanditswe na Munyengabe Murungi Sabin
Kuya 16 Kanama 2018 saa 11:37
Yasuwe :
0 0

Sesiliya, umugore wubatse amateka akomeye ku bw’ubuhanga bwihariye mu gukina ikinamico mu Rwanda yitabye Imana azize uburwayi.

Sesiliya yakinnye igihe kinini mu ikinamico Urunana, abenshi bamuzi nka nyina wa Patrick i Nyarurembo. Mu ikinamico zaciye ibintu hambere mu gihugu, yibukirwa cyane ku yitwa ‘Icyanzu cy’Imana’ yakinnyemo ari umugore wa Mbanzabugabo akaba mukase wa Uwera.

Inkuru y’urupfu rwa Sesiliya yamenyekanye mu masaha ya mu gitondo cyo kuri uyu wa Kane tariki ya 16 Kanama 2018.

Mu kiganiro IGIHE yagiranye na Uwimana Consolata[Nyiramariza] bakinanaga mu ikimico Urunana, yavuze ko uyu mubyeyi yari amaze igihe kinini ahanganye n’indwara y’umutima ari nayo ishobora kuba yamwambuye ubuzima.

Yagize ati “Yari arwaye umutima, nibyo byari byaramuzahaje ku buryo atabonaga neza. Nubwo yivuzaga ariko wabonaga byarafashe indi ntera ntakire, kugeza ubwo gukina muri studio byamunaniye ntabashe gusoma.”

Seburikoko, Nyiramariza na Sesiliya witabye Imana

Uyu mubyeyi yubatse izina nka ‘Sisiliya’ gusa ubusanzwe yitwa Muteteri Penina Joy, ni umwe mu bari bamaze imyaka myinshi mu ruganda rw’ikinamico akaba ari no mu bakinnyi b’Indamutsa bakanyujijeho mu Rwanda.

Nyiramariza yavuze ko mugenzi we Sesiliya yari amaze igihe yarazahajwe n'umutima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza