Se w’umukobwa uherutse kwambikwa impeta n’umuhanzi Emmy yitabye Imana

Yanditswe na Uwiduhaye Theos
Kuya 6 Gashyantare 2021 saa 03:04
Yasuwe :
0 0

Umubyeyi wa Umuhoza Joyce, umukobwa uherutse kwambikwa impeta y’urukundo n’umuhanzi Emmy, yitabye Imana.

Ku wa 12 Mutarama 2021 nibwo Emmy usanzwe utuye muri Leta Zunze Ubumwe za Amerika yateye ivi asaba Umuhoza ko yazamubera umugore. Ubu umukobwa ari mu gahinda ko gupfusha se mu gihe Emmy nawe ari mu gahinda ko kubura uwo yari kuzita Sebukwe.

Uyu muhanzi yanditse ku rukuta rwe rwa Instagram, yihanganisha umukunzi we wapfushije umubyeyi. Ati “Komera mukunzi, ntabwo ndabyiyumvisha ngo mbyizere, umutima wanjye uraremerewe. Papa wawe aruhukire mu mahoro.”

Uyu muhanzi yakomeje ashyira ku rukuta rwe rwa Instagram andi magambo agaragaza ko yababaye n’ubundi butumwa bwo gukomeza umukunzi we uri mu bihe bitoroshye.

Mu minsi ishize Emmy yaje mu Rwanda mu rugendo yagize ibanga, asaba umukunzi we ko yamwemerera bakarushinga.

Ibirori byo kwambika uyu mukobwa impeta byahuriranye n’isabukuru ye y’amavuko. Nawe nta kuzuyaza yemerera uyu muhanzi ko batangira urugendo rugana ku kurushinga.

Mu 2018 nibwo byamenyekanye ko Emmy na Umuhoza Joyce bakundana.

Ikiganiro na Emmy avuga ku mukobwa yambitse impeta

Umubyeyi wa Umuhoza, umukunzi wa Emmy, yitabye Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .