Se w’umuhanzi Nicki Minaj yaguye mu mpanuka y’imodoka

Yanditswe na Ntabareshya Jean de Dieu
Kuya 15 Gashyantare 2021 saa 09:49
Yasuwe :
0 0

Umuhanzikazi w’umunyamerika ufite inkomoko muri Trinidad & Tobago Nicki Minaj ari mu gahinda nyuma y’aho se witwa Robert Maraj yapfuye agonzwe n’imodoka.

Ni impanuka yabaye ku wa Gatanu w’icyumweru gishize, aho se w’uyu muhanzikazi wari ufite imyaka 64, yagonzwe n’umuntu agahita yikomereza nk’uko umuvugizi w’uyu muhanzikazi yabyemereye ikinyamakuru People. Iyi mpanuka yabereye i New York.

Uyu mubyeyi yajyanywe mu bitaro byo hafi y’aho yagongewe ariko ku bw’amahirwe make ku wa Gatandatu tariki 13 Gashyantare 2021, yitaba Imana kubera ibikomere yari yagize.

Polisi yo mu Mujyi wa New York yabereyemo iyi mpanuka iracyakora iperereza.

Umubyeyi wa Nicki Minaj yitabye Imana nyuma y’aho umuhungu we Jelani Maraj, aherutse gukatirwa igifungo cy’imyaka 25 y’igifungo ashinjwa gufata ku ngufu umwana.

Nick Minaj, w’imyaka 38, yavukiye Trinidad akurira muri New York.

Se wa Nicki Minaj yahitanywe n'impanuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .