00:00:00 IGIHE NETWORK KN KINYARWANDA EN ENGLISH FR FRANCAIS

Rubavu: Hagiye kuba Iserukiramuco ryitezweho kuzamura impano zitandukanye

Yanditswe na Mukwaya Olivier
Kuya 10 Ugushyingo 2021 saa 03:49
Yasuwe :
0 0

Mu Karere ka Rubavu hagiye kubera iserukiramuco ryiswe Kivu Culture Festival ryitezweho kuzamura impano zitandukanye zirimo gukina ikinamico, gusetsa, kubyina indirimbo zigezweho na gakondo.

Ni iserukiramuco byitezwe ko rizaba ku wa 11 na 12 Ukuboza 2021.

Abanyempano bitegura kuzagaragara muri iri serukiramuco bamaze iminsi bahuguwe ku mpano zabo, bavuga ko bamaze kunguka ubumenyi bufatika buzabafasha kuzamura urwego bari basanzweho.

Bayisingize Rosine usanzwe akina ikinamico na filime yabwiye IGIHE ko yungutse ubumenyi bushya bumufasha kwagura impano ye ugereranije n’urwego yari asanzweho.

Ati”Nkurikije ubumenyi bw’abari kuduhugura, bitewe n’imyitozo bari kuduhereza ndikubona ibyo nakoraga biri hasi, ubusanzwe twakoraga imyitozo bagahugurutsa umuntu umwe umwe, umutoza natwe niko ari kubigenza ariko akabanza akadufasha gukora imyitozo yo gukangura ubwonko kuburyo ibyo Director akubwira uhita ubyumva byihuse ukabishyira mubikorwa”.

Mugisha Patrick usanzwe ari umubyinnyi w’imbyino zigezweho we yavuze ko nyuma yo guhugurwa agiye gukuza impano yo kubyina bigahinduka akazi, avuga ko yabyinaga yishimisha ariko kuva ubu bigiye guhinduka umwuga.

Ati “Ntiwabyina ntabitekerezo ufite, dutandukanye n’ababyina babona amashusho kuri televiziyo kuko bo baba bishimisha naho twe ni akazi, aya mahugurwa yamfashije kumva umumaro wo gukoresha imbuga nkoranyambaga mu kwagura impano yanjye, kuri ubu ngiye kujya mbyina nifata amashusho nkamenyekanisha ibyo nakoze ku bahanzi batandukanye ku buryo nitegura gutangira kujya mu mashusho y’abahanzi b’ibyamamare”.

Umuyobozi wa igisubizo Entertaining Art Mahoro Clement ari nayo iri gutegura iserukiramuco rya Kivu Culture Festival, yasobanuye ko mugihe bateguraga iri serukiramuco basanze ari ngombwa kubanza gushaka inzobere mu mpano zitandukanye bakabanza guhugura aba banyempano.

Atii“Tukimara gutekereza iri serukiramuco, twateguye amajonjora mu mukino w’ikinamico, imbyino n’abakora urwenya, tuzana inzobere zirabahugura. Ibyo byose byari murwego rwo kuzamura ubushobozi bw’abanyempano b’i Rubavu kugira ngo ibyo bakora babigire akazi.”

Iserukiramuco rya Kivu culture festival biteganijwe ko rizaba tariki 11 na 12 Ukuboza 2021.

Ryabanjirijwe n’amahugurwa y’abanyempano yabaye ku wa 6-7 Ugushyingo 2021.

Ababyinnyi bahuguwe kubyaza imbyino amafaranga
Ab'ikinamico bavuga ko bazaza mw'isrerukiramuco barazamuye urwego

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .