Rehoboth Ministries igiye gukora igitaramo cy’amateka yizihiza imyaka 25 imaze ibayeho

Yanditswe na Nsengiyumva Emmy
Kuya 19 Ugushyingo 2019 saa 09:35
Yasuwe :
0 0

Rehoboth Ministries igiye gukora igitaramo cy’amateka izizihizamo imyaka 25 imaze ibayeho, kikazabera muri Evangelical Restoration Church ku kimisagara aho yatangiriye nubwo yari imaze imyaka hafi icumi itaririmbirayo.

Rehoboth Ministries yatangiye ivugabutumwa ryo mu ndirimbo mu Ukwakira 1994, yabarizwaga Kimisagara muri Restoration Church.

Mu gutangira yari korali isanzwe yo mu rusengero ariko itagira izina. Nyuma y’igihe gito yaje kwitwa Rehoboth Choir.

Nyuma yo guhindura icyerekezo cyayo na gahunda zayo yahinduye izina yitwa Rehoboth Ministries icyo gihe yari ikiri muri Restoration Church Kimisagara.

Imaze kuba Ministry kubera icyerekezo na gahunda birenze urwego rw’urusengero rusanzwe byatumye yakira n’abandi banyamuryango benshi bava mu matorero atandukanye atakiri Restoration Church gusa.

Kugeza ubu Rehoboth Ministries ifite abanyamuryango hafi 80, bamwe muri bo babarizwa mu Rwanda abandi bari ku migabane yose y’Isi.

Muri Rehoboth Ministries hanyuzemo abakozi b’Imana batandukanye ndetse yanagize uruhare rukomeye mu kuzamura impano z’abahanzi baririmba indirimbo zo kuramya no guhimbaza Imana barimo na Liliane Kabaganza n’abandi benshi.

Kubera iyo myaka yose ishize Rehoboth Ministries itangiye umurimo w’ivugabutumwa mu Rwanda, ubu iri gutegura kwizihiza isabukuru y’imyaka 25 mu gitaramo gikomeye kizabera muri Restoration Church Kimisagara aho yatangiriye ivugabutumwa.

Rehoboth Ministries izizihiza isabukuru y’imyaka 25 mu gitaramo giteganyijwe ku wa 22 Ukuboza 2019. Abahanzi bazafatanya nayo muri ibyo birori ntibarashyirwa ahaboneka.

Rehoboth Ministries igiye gukora igitaramo cy’amateka yizihiza imyaka 25 imaze ibayeho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza