Kwamamaza

R Tuty azakomereza ibitaramo bimurika Album ‘Intero y’Umutima’ i Bruxelles

Yanditswe kuya 22-09-2016 saa 07:38' na IGIHE


Umuhanzi nyarwanda R Tuty, usanzwe uba mu Bubiligi, azakora igitaramo cyo kongera kumurika Album ye yise ‘Intero y’Umutima’ ku itariki 8 Ukwakira 2016.

Ni mu gitaramo cya ‘Rwanda Night’ kizahuza Abanyarwanda baba mu Mujyi wa Bruxelles mu Bubiligi.

Iki gitaramo kizabera kuri Steel Gate 52-Rue Des Chartreux-1000Bruxelles, kiri mu bitaramo bikomeye uyu muhanzi yateguye byo kuzenguruka imijyi inyuranye yo mu bihugu byo mu Bubiligi, Suwede n’ahandi i Burayi. Yaherukaga gukora igitaramo nk’iki mu Mujyi wa Namur mu Bubiligi.

Aganira n’IGIHE, R Tuty yavuze ko uretse kumurikira abakunze b’umuziki iyi Album ye nshya yise Intero y’Umutima, azanabafasha gutaramana n’abandi bahanzi barimo Marchal de Gaulle uzazanana na Band yitwa I1000 Band, Seleman, Santana, Dj Hamix, Dj Azam n’abandi.

Yagize ati “Album Intero y’Umutima ni yo Album yanjye ndimo ndazengurukana mu mijyi itandukanye ya hano mu Burayi nyimurikira abakunzi banjye aho bari hose, nkaba mperuka mu mujyi wa Namur, ubu ntenganya gukomereza mu gitaramo kizabera i Bruxel.”
Uyu muhanzi avuga ko ateganya kuzahita aza mu Rwanda mu mezi abiri ari imbere kugira ngo yiyereke abanyarwanda bakunda umuziki nyarwanda aho bari hose. Nyuma avuga ko ari bwo azakomereza mu bindi bihugu nk’uko yabiteguye.

R Tuty avuga ko muri iki gitaramo azanashyiramo abaririmbyi bakora indirimbo za kera zitwa ‘Igisope’. Kwinjira muri iki gitaramo bizaba ari ukwishyura amayero 10.

R Tuty ubwo yari yaje mu Rwanda

Iki gitaramo ‘Rwanda Night’, R Tuty azamurikiramo Album ye cyateguwe n’umunyarwanda Olivier Claude usanzwe umenyerewe mu gutegura ibitaramo, abinyujije muri K-Vous Promoters.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved