Kwamamaza

Producer Bob yafunguwe avuga ko ’yapangiwe inkumi’

Yanditswe kuya 8-09-2016 saa 10:29' na Munyengabe Murungi Sabin


Ndayambaje Emmanuel[Producer Bob] yarekuwe by’agateganyo, yari amaze icyumweru muri kasho kuri Station ya Polisi ku Muhima akurikiranyweho icyaha cyo gufata ku ngufu umukobwa.

Producer Bob yatawe muri yombi mu gicuku cyo ku Cyumweru tariki ya 28 Kanama 2016 nyuma y’intonganya n’amakimbirane yabaye hagati ye ‘n’umukobwa umushinja gushaka kumufata ku ngufu’.

Yafunguwe ku mugoroba wo kuri uyu wa Kabiri tariki ya 7 Nzeri 2016. Yabwiye IGIHE ko ifungwa rye ‘ryaturutse ku kagambane ndetse ko bitandukanye cyane n’ibyo gufata umukobwa ku ngufu’.

Ati “Naragambaniwe, ni rya shyamba[ka kagambane] duhoramo. Iyo mba narakoze icyaha ntabwo leta yari kwemera ko ndekurwa. Ni ukungambanira kwabayeho gusa, nanageze imbere y’urukiko basanga nta cyaha kimpama.”

Yongeyeho ko umukobwa wamushinjaga kumufata ku ngufu atigeze agaragara mu rukiko ndetse na telefone igendanwa yakoreshaga ikibazo kigitangira yavuye ku murongo.

Ati “Uriya mukobwa simuzi, yaje nk’umukiriya tujyana muri studio ntazi ko abantu bamumpangiye ngo amfungishe, yinjiye muri studio agezemo atangira kwiririmbishwa nkamubuza mubwira ko umuntu ajya kuri micro ari uko yishyuye, yatangiye kunyisazaho mbona ibintu bibaye birebire ndamusohora.”

“No kuvuga ngo namufashe ku ngufu ayo ni amagambo, ni ukunsebya gusa. Ni bya bindi byateye muri iki gihe mu bakobwa, agusaba amafaranga wabyanga agahita avuga ngo arahamagara polisi avuge ko umufashe ku ngufu. Ni ibyo nyine…”

Producer Bob arongera ati “Nitabye urukiko, ntiyigeze ahagera, nonese nari kuburana na nde? Leta yacu ifite uko ikurikirana ibintu, ntabwo bafungura umunyacyaha, bandekuye kuko narenganaga.”

Yavuze ko agiye gukomeza akazi asanzwe akora ko gutunganya indirimbo, yafunzwe afite imishinga myinshi y’abahanzi agomba kurangiriza indirimbo.

Mu gihe amaze mu gihome ngo yize kwihangana no kwirinda kwizera umuntu uwo ari we wese. Yahise atangira gukurikirana abo akeka ko bashobora kuba baramwoherejeho uyu mukobwa.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved