Prince Harry na Meghan baheruka kurushinga bagiye kwibaruka imfura yabo

Yanditswe na Uwiduhaye Theos
Kuya 15 Ukwakira 2018 saa 06:11
Yasuwe :
0 0

Prince Harry n’umugore we Meghan Markle kuri uyu wa Mbere batangaje ko bitegura kubyara umwana wabo wa mbere, nyuma y’amezi atanu bakoze ubukwe.

Urubuga rw’ubwami bw’u Bwongereza Kensington Palace, rwatangaje ko Prince Harry w’imyaka 34 na Meghan w’imyaka 37 bazabyara imfura yabo mu itumba, ni ukuvuga muri Werurwe, Mata na Gicurasi.

Uyu muryango wakoze ubukwe muri Gicurasi uyu mwaka, waboneyeho gushimira uko abantu bawushyigikiye mu bukwe bwawo, wongeraho ko ari iby’igiciro kubasangiza n’inkuru nziza y’uko ugiye kwibaruka imfura.

Umwamikazi Elisabeth yatangaje ko abyishimiye cyane. Minisitiri w’Intebe w’u Bwongereza, Theresa May, nawe yagaragaje kubyishimira cyane ndetse na nyina wa Meghan, Doria Ragland avuga ko yishimiye cyane aya makuru.

Igikomangoma cy’u Bwongereza, Harry na Meghan barushinze tariki ya 19 Gicurasi 2018, ibirori byabo byabereye mu Mujyi wa Windsor ahari hateraniye abarenga ibihumbi ijana.

Prince Harry na Meghan bagiye kwibaruka imfura
Mu itumba rya 2019 nibwo Meghan na Prince Harry bazabyara imfura yabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza