00:00:00 IGIHE NETWORK KN KINYARWANDA EN ENGLISH FR FRANCAIS

Platini yagizwe ‘Brand Ambassador’ w’ibinyobwa byengwa na Belgian Legacy Ltd

Yanditswe na Nsengiyumva Emmy
Kuya 28 Kanama 2021 saa 10:00
Yasuwe :
0 0

Nemeye Platini benshi bazi mu muziki nka Platini cyangwa ‘P’ yasinye amasezerano y’umwaka umwe yamamaza ibinyobwa byengwa n’uruganda rufite izina mu Bubiligi rwitwa ‘Belgian Legacy Ltd’.

Uyu muhanzi wahawe amasezerano y’umwaka umwe ariko ashobora kuvugururwa, kuri uyu wa 28 Kanama 2021 nibwo yamurikiye itangazamakuru abafatanyabikorwa bashya yungutse.

Platini yagizwe Brand Ambassador w’ibinyobwa bibiri muri birindwi uru ruganda rukora aribyo; Mertens na Kristoffer.Yatsembeye abanyamakuru bifuzaga kumenya umubare w’amafaranga yasinyiye.

Ati “Ubundi umugabo ntabwo avuga icyo yarariye, njye sinavuga ngo ni angahe, gusa ni amafaranga meza nishimiye.”

Platini wahishuye ko ari umukozi uzajya uhembwa ku kwezi kugeza umwaka urangiye usibye ko bashobora kuwongera bitewe n’uko bazabona akazi gakorwa.

Nyuma yo gusinya aya masezerano, Platini yavuze ko ategereje itsinda ry’abashoramari bo muri Nigeria bitegura gukorera urugendo mu Rwanda aho bazava banamufashije kwamamaza indirimbo nshya yitegura kumurika.

Platini asinye aya masezerano nyuma y’iminsi mike abonye sosiyete izamufasha kuzamura umuziki we ‘One Percentage Managers’ yo muri Nigeria.

Platini yagizwe ‘Brand Ambassador’ w’ibinyobwa byengwa na Belgian Legacy Ltd
Abanyamakuru bari bambariye kumva amasezerano ya Platini
Platini yahawe amasezerano y'umwaka umwe na Belgian Legacy Ltd

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .