Phil Peter yasohoye indirimbo yise ‘Amata’ yatumye we na Social Mula bafungwa

Yanditswe na Nsengiyumva Emmy
Kuya 3 Gicurasi 2021 saa 01:11
Yasuwe :
0 0

DJ Phil Peter yasohoye indirimbo ‘Amata’ yakoranye na Social Mula yatumye mu minsi ishize bafungwa ubwo bari bafashwe barenze ku mabwiriza yo kwirinda Covid-19 bari mu ifatwa ry’amashusho yayo.

Mu mpera za Werurwe 2021 nibwo Polisi y’u Rwanda yerekanye itsinda ry’abantu 39 bafatiwe mu nzu imwe bari gufata amashusho y’indirimbo barenze ku mabwiriza ya Covid-19.

Muri aba bari batawe muri yombi harimo Phil Peter na Social Mula bakoranye iyi ndirimbo, aba bakiyongeraho umunyamakuru Irene Mulindahabi n’ikipe bari kumwe batara inkuru y’ifatwa ry’aya mashusho.

Usibye abanyamakuru muri iri tsinda harimo abagombaga kugaragara mu mashusho y’iyi ndirimbo ndetse n’abari bari kuyikora.

Nyuma yo gutabwa muri yombi ifatwa ry’amashusho ritarangiye, aba basore basubiyemo amwe mu yo batari bafashe.

Ukwezi kumwe nyuma y’iyi nsaganya bahuye nayo, Phil Peter yahise asohora amashusho y’iyi ndirimbo ahuriyemo na Social Mula bise ‘Amata’.

Iyi ndirimbo igiye hanze ikurikira ibindi bikorwa bitandukanye Phil Peter asanzwe akora birimo na filime amaze iminsi akoraho yitwa ‘Komisiyoneri’.

Ku wa 30 Werurwe 2021 ubwo Polisi yerekanaga 39 barimo Phil Peter na Social Mula
Nyuma yo kurekurwa, Phil Peter na Social barangije umushinga w'indirimbo yabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .