PDG Thandi wakanyujijeho na Mbonabucya agiye kuza i Kigali gukora ubukwe

Yanditswe na Munyengabe Murungi Sabin
Kuya 4 Ukwakira 2017 saa 04:23
Yasuwe :
0 0

PDG Brenda Thandi Mbatha wahoze akundana na Mbonabucya Desire agiye kurushingana n’umugabo ukomoka muri Mali mu Mujyi wa Bamako, ubukwe bwabo buzabera mu Rwanda.

Mu kiganiro na IGIHE, Brenda Thandi yavuze ko ubukwe bwe na Hardy Conaté buzaba mu gihe cya vuba gusa ngo ntibarahitamo itariki nyayo ‘kuko bagitegereje kumenya gahunda y’abandi bakire bazabutaha’.

Brenda Thandi ahamya ko umugabo we ari icyamamare mu mukino wa karate ndetse ngo bahujwe n’akazi k’ubucuruzi n’ishoramari bombi bakora. Thandi na Hardy Conaté bamaze umwaka n’amezi abiri bakundana.

Yagize ati “Yambonye mu ihuriro ry’abashoramari dukora buri mwaka, nawe yajemo nk’umuherwe w’icyamamare hano mu Bufaransa.”

PDG Thandi yerekanye umukunzi we Hardy Conaté mu birori aherutse gukora yizihiza imyaka 38 y’amavuko.

PDG Thandi wakanyujijeho na Mbonabucya agiye kuza i Kigali gusezerana na Conaté

Izina rya PDG Brenda Thandi Mbatha rimaze hafi imyaka itatu ryinjiye mu matwi y’abakurikirana iby’imyidagaduro mu Rwanda. Yatangiye kuvugwa kuwa 27 Nzeli 2014 umunsi yambitswe impeta na Mbonabucya Desire wabaye kapiteni w’Amavubi mu gikombe cy’Afurika cya 2004 .

Aba bombi barakundanye biratinda ariko baza gutandukana kuwa 25 Mata 2015. Uyu mugore yashinjaga Mbonabucya Desire ko yamusabye urukundo ashaka kumuryaho ifaranga, undi na we akavuga ko uyu mugore ari ‘intakoreka ndetse batashoboraga kuzabana’.

Inkundura yabo bombi ijya kugera ku iherezo, Thandi Mbatha yahishuye ko Mbonabucya abunza amagambo gusa ndetse ko ntacyo yishoboreye mu buriri dore ko ngo afite ‘akantu katangara urwara[yashakaga kuvuga igitsina gito].

Ibi byateye Mbonabucya Desire gusharirirwa cyane ahishura ko ‘burya uyu mugore akorana n’amashitani’ ngetse atanga ikimenyetso cy’uko yasanze munsi y’uburiri bwe inkende yumye.

PDG Thandi n'uyu mugabo bamaranye umwaka n'amezi abiri bakundana
Thandi n'umukunzi we Hardy Conaté
Conaté ngo ni umushoramari w'Umufaransa ukomoka muri Mali
Thandi na Conaté bararyohewe mu rukundo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza