Paul wahoze muri P-Square yijeje abanyarwanda ibirori (Amafoto)

Yanditswe na Uwiduhaye Theos
Kuya 19 Ukwakira 2018 saa 07:39
Yasuwe :
0 0

Paul Okoye [Rudeboy] wahoze muri P-Square yageze i Kigali aho azataramira abazitabira igikorwa cyo gutanga ibihembo bya AMAA 2018.

Uyu musore akunzwe mu ndirimbo zirimo ‘Fire fire’, ‘Nkenji keke’, ‘Reality’, ‘Dance’, ‘Together’ n’izindi nyinshi.

Yageze i Kigali saa sita zirengaho iminota mu gitondo cyo kuri uyu wa Gatanu, aherekejwe n’itsinda ry’abantu bake bamufasha.

Yabwiye itangazamakuru ko ahishiye byinshi abazitabira iki gitaramo agiye gukorera mu Rwanda ku nshuro yemeje ko ari iya kane, kuko ahaje kabiri nk’umuhanzi ku giti cye ndetse akaba yarigeze kuhaza nabwo ubugira kabiri akiri muri P-Square.

Ati “Abanyarwanda bitegure umuriro, ni ku nshuro ya kane nje mu Rwanda kandi nizeye kunezeza abazitabira igitaramo cyanjye mu buryo buhambaye. Ndabakunda cyane.”

Ibi bihembo bya Africa Movie Academy Awards[AMAA] azaririmbamo bizatangirwa i Kigali ku wa 20 Ukwakira mu Intare Conference Arena i Rusororo.

Bigamije gushimira ab’indashyikirwa mu mwuga wa sinema ku rwego rwa Afurika.

Khalim uri gukurikirana iki gikorwa yabwiye IGIHE ko hamaze kuza abantu benshi batandukanye bakora umwuga wa sinema ku rwego rwa Afurika biganjemo abo muri Nigeria.

Ati “Hamaze kuza abantu benshi barenga magana atatu baturutse mu bihugu bitandukanye bya Afurika ariko cyane cyane Nigeria bitabiriye itangwa ry’ibi bihembo.”

Kwinjira muri ibi birori bizaba ari 15.000 Frw mu myanya isanzwe na 30.000 Frw mu y’icyubahiro.

Ngo abanyarwanda n'abandi bazitabira itangwa ry'ibihembo bya AMAA bitegure ibiroriNgo abanyarwanda n'abandi bazitabira itangwa ry'ibihembo bya AMAA bitegure ibirori
Rudeboy yavuze ko ari ku nshuro ya kane aje mu Rwanda
Nyuma yo gusenyuka kwa P-Square, uyu musore ntiyigeze ahagarika muzika
Yahise ajyanwa kuri hotel kuruhuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza