Passy yashyize avuga icyasenye TNP no ku rukundo rwe na Miss Vanessa

Yanditswe na Muvunyi Arsène
Kuya 24 Gicurasi 2019 saa 10:36
Yasuwe :
0 0

Umwaka umwe urashize Passy Kizito wahoze mu itsinda rya TNP atangiye gukora umuziki ku giti cye nyuma y’aho atandukanye na Tracy bari bamaranye imyaka irindwi bakorana.

Uyu musore yahereye ku ndirimbo yise “Mbaye Wowe” yafatanyije na Butera Knowless ikundwa mu buryo budasanzwe byanayihesheje kwegukana igihembo muri Hipipo Awards 2019 nk’indirimbo yahize izindi mu Rwanda.

Nyuma y’iyi ndirimbo uyu musore yabaye nk’utuje yongera gushyira hanze indi yise “Kankora Ahantu” abantu batangiye kumva kuri uyu wa kabiri.

Passy yabwiye IGIHE ko umuvuduko ari gukoreraho ujyanye n’ubushobozi bwe n’uburyo ashaka guha abakunzi ibihangano bifite ireme.

‘Itsinda ryaraniye, ntabwo narinaniye’

Yaba Passy cyangwa Tracy ntibakunze kwerura ngo bavuge ikintu nyir’izina cyatumye basenya ibyo bari bamaze imyaka irindwi bubaka.

Mu biganiro n’itangazamakuru uyu musore yakunze kuvuga ko nta kintu kinini yapfuye na mugenzi we kuko bakuze ari nk’abavandimwe kuruta uko bafatanyije itsinda ry’umuziki.

Byasaga nko kubica ku ruhande kuko nta mpamvu runaka yerekanaga bigashyira mu rujijo benshi bifuzaga kubimenya.

Mu buryo bugoye Passy yabwiye IGIHE ko kugira ngo itsinda ryabo risenyuke byaturutse ku makosa amwe n’amwe bakoze arimo gushukwa n’ubwamamare.
Ati “Utangira ufite umuhate wumva ko hari ikintu ushaka gukora ukajya utunganya indirimbo ukamubwira uti rwose ‘mfasha umunsi nabaye icyamamare nzakwishyura’ […] Habamo kwibagirwa mu bahanzi, ni nabyo usanga abenshi bazinukwa gufasha bamwe na bamwe kandi ni ikintu kidakwiye kubaho nyuma ya byose turi abantu. Gukora ukibagirwa ko hari umuntu watumye ugera aho uri ni ikibazo kandi ntabwo ari kuri TNP gusa.”

Yongeyeho ko kandi uko bagendaga bakura mugenzi we Tracy yibandaga mu bindi bifimutiye inyungu mu gihe Passy we yatangaga ibyo afite byose kuri muzika.

Yagize ati “ Ntabwo naninwe n’itsinda ahubwo itsinda ryarananiye. Nashoboye byose kimwe kiranga. Itsinda ryarananiye kuko buri muntu ari mu murongo we ariko njyewe umurongo wanjye wari umuziki.”

Kuva batandukana Passy na Tracy n’umubano wabo nawo warahindutse kuko batakivugana cyane.

Yahakanye urukundo rwe na Vanessa

Mu Kanama 2018 humvikanye inkuru z’urukundo hagati ya Passy na Miss Vanessa Uwase wabaye igisonga cya mbere cya Nyampinga w’u Rwanda mu 2015.

Ni amakuru yavugaga ko aba bombi bakunze gusohokana ndetse na Vanessa Uwase akaba yaragendaga aca amarenga ku mbuga nkoranyambaga.

Passy yabwiye IGIHE ko ibivugwa ku rukundo hagati ye na Miss Vanessa ari ibinyoma gusa ngo ni inshuti zisanzwe.

Avuga ko ubushuti bwabo bwatangiye mu 2016 bahujwe n’ishuri nyuma biza gukomezwa n’uko yari asanzwe aziranye na mukuru we.

Ati “Ni inshuti bisanzwe, kumbonana nawe ni ibintu bisanzwe. Hanze hari abantu bafite ukuri kutari ko ariko ni njye n’Imana tubizi. Yize Mount Kenya nanjye mpiga kuva mu 2016 nibwo twamenyanye. Yakoranye na mukuru wanjye mbere y’uko tumenyana ni inshuti isanzwe.”

Passy wahishuye ko yigeze gukundana n’umukobwa nyuma bagatandukana bitewe n’uko nta mafaranga yari afite, yemeje ko kuri nta n’umukobwa afite bakundana.

Reba amashusho ya "Kankora Ahantu"

Ikiganiro Passy yagiranye na IGIHE

Miss Uwase Vanessa bivugwa ko akundana na Passy
Passy yashyize hanze indirimbo nshya yise Kankora Ahantu, ahakana urukundo ruvugwa hagati ye na Miss Uwase Vanessa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza