Victor Rukotana yabonye umujyanama mushya nyuma y’umwaka atandukanye na Uncle Austin

Yanditswe na Nsengiyumva Emmy
Kuya 11 Gashyantare 2021 saa 08:59
Yasuwe :
0 0

Nyuma y’umwaka Victor Rukotana atandukanye na The Management Ent. ya Uncle Austin, yamaze gusinya amasezerano y’imyaka ibiri muri Edman Entertainment igiye kureberera inyungu z’umuziki we.

Kuri uyu wa Gatatu tariki 10 Gashyantare 2021, ni bwo Victor Rukotana yasinye amasezerano y’imikoranire na Edman Entertainment nyuma y’umwaka urenga yari amaze akora wenyine.

Mu kiganiro na IGIHE nyuma yo gusinya amasezerano, Victor Rukotana, yavuze ko agiye kongera imbaraga mu muziki kuko umwaka yari amaze yirwanaho byatumye ugenda biguru ntege.

Yagize ati “Kwikorana biraryana, byange bikunde icyuho cyo kwikorana cyaragaragaye. Nakoraga indirimbo ugasanga gukora amashusho bibaye ikibazo.”

Nta byinshi uyu musore yigeze ashaka kuvuga ku masezerano yasinyanye na Edman Entertainment, icyakora ahamya ko bagiye gufatanya guteza imbere umuziki we.

Muri iki kiganiro yakuye urujijo ku kintu cyamutandukanyije na Uncle Austin bakoranye bwa mbere.

Yagize ati “Uncle Austin nta kintu twigeze dupfa. The management ni umuryango wanjye, icyabaye ni uko amasezerano yarangiye ntitubashe kumvikana uko twayongera.”

Victor Rukotana abaye umuhanzi wa kabiri winjijwe muri Edman Entertainment, yashinzwe n’umunyamakuru wa Prime Tv, Ishimwe Eddy uzwi nka Edman.

Ku ikubitiro Edman yasinyishije umugore we baherutse no gukora ubukwe witwa Mugisha Liza, umuhanzikazi uririmba indirimbo zo kuramya no guhimbaza Imana utuye muri Canada.

Victor Rukotana yavuze ko yagowe bikomeye no kumara umwaka yikorana
Victor Rukotana n'umunyamakuru wa Prime TV washinze Edman Entertainment
Victor Rukotana yasinye amasezerano y'imyaka ibiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .