Kwamamaza

Nyampinga wo muri Bénin yamenye u Rwanda kubera Kundwa Doriane

Yanditswe kuya 17-11-2016 saa 12:28' na Munyengabe Murungi Sabin


Manuela Elvire Nononsi, igisonga cya kabiri cya Nyampinga wa Bénin avuga ko yavumbuye byinshi ku Rwanda nyuma yo guhura na Miss Kundwa Doriane ubwo bari mu irushanwa rya Miss Fespam umwaka wa 2015.

Nyampinga Manuela Elvire Nononsi yabaye igisonga cya kabiri cya Miss Bénin 2014, icyo gihe yanabaye umukobwa wa mbere w’iki gihugu watsinze irushanwa mpuzamahanga ry’ubwiza bihereye muri Miss Naïade 2014.

Yatoranyijwe mu bakobwa 12 bitabiriye Miss Fespam 2015, icyo gihe ikamba ryahawe Miss Hyllen Legré wo muri Cote d’Ivoire. Muri iri rushanwa ry’ubwiza riba buri myaka ibiri, Miss Manuela Nononsi yahuriye na Kundwa Doriane muri Congo Brazaville ndetse banabashyira mu cyumba kimwe ari nabwo batangiye ubushuti.

Miss Manuela Nononsi yabwiye IGIHE ko mbere yo kumenyana na Kundwa Doriane yumvaga u Rwanda nk’igihugu ‘cyaranzwe n’akaduruvayo n’amateka mabi’; amaze guhuza ibiganiro n’uyu Munyarwandakazi avumbura ibyiza bigihishemo ndetse yibagirwa ibibi yacyumviseho mu itangazamakuru.

Yagize ati “Njyewe mbere ntabwo nari nzi u Rwanda cyane, nacyumvaga nk’uko wenda bakubwira Lesotho, nacyo ntabwo cyizwi cyane, ntigikora ku nyanja nta byinshi nkiziho […] i Brazaville nahuye n’inshuti yanjye Doriane, twaganiraga byinshi, yambwiye u Rwanda mubwira ko narusomye mu binyamakuru, nabonaga baruvugaho Jenoside cyane, bakanavuga kuri Kagame uruyobora.”

Miss Manuela Nononsi yongeyeho ati “…Doriane yatumye menya icyo gihugu, yambwiraga ko bafite ikirere cyiza. Icyo nakunze cyane ni uburyo yanyigishaga kubyina Kinyarwanda ariko bikananira, hari igihe nabaga nababaye cyane cyangwa numva ntameze neza Doriane akabyina nkabona ni byiza nkongera nkishima.”

Uyu mukobwa ni we wahaye ikamba Kwizera Peace wagizwe Miss Naïades 2016, yavuze ko hari imishinga ateganya ko bazakorana ndetse ko nibimushobokera mu mwaka utaha yaza mu Rwanda.

Miss Miss Manuela Nononsi arateganya kuzaza gukorera imishinga ye mu Rwanda

Ati “Peace na we ni mwiza, aratuje, nawe ni nka Doriane, ntabwo twaganiriye cyane ariko twumvikanye ko tuzafatanya. Ibyo azakora akankenera nzamujya inyuma, nzamufasha nk’uko na we yamfasha.”

Uyu mukobwa usoje amasomo mu mashuri yisumbuye mu ishami ry’Ubukanishi n’ikoranabuhanga, yavuze ko kuba yari amaranye imyaka ibiri ikamba rya Miss Naïades byaturutse ku bibazo byavutse hagati y’igihugu cya Benin na Cameroun aho iri rushanwa ryagombaga kubera mu mwaka wa 2015 bituma risubikwa.

Miss Manuela Nononsi na mugenzi we wa Ghana
Miss Manuela Nononsi na ba Nyampinga bari bitabiriye iki gikorwa
Miss Manuela Nononsi ni we wambitse ikamba Miss Kwizera Peace

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved