Ni nde wigiza nkana hagati ya DJ Brianne na DJ Pius ashinja kunyereza ibihumbi 10 Frw?

Yanditswe na Uwiduhaye Theos
Kuya 6 Gashyantare 2021 saa 08:42
Yasuwe :
0 0

Rukabuza Pius uzwi nka DJ Pius na Gateka Brianne uzwi nka DJ Brianne, bashyiditse bapfa amafaranga 10 000 Frw.

Aya mafaranga DJ Brianne ashinja mugenzi we kurigisa bivugwa ko yari ayo gufasha mugenzi wabo witwa DJ Sisqo, wari ufite ikibazo cy’ubwishyu bw’inzu.

Ni ikibazo yabagejejeho umwaka ushize muri Gicurasi akabwira bagenzi be babana muri groupe ya WhatsApp ko atorohewe n’ubuzima cyane ko yari ari muri Guma mu Rugo kandi akazi ke ko kuvanga imiziki kakaba kadakorwa kubera Coronavirus. Icyo gihe yari afite ikibazo cyo kwishyura inzu.

DJ Sisqo yabwiye IGIHE ko ubundi akimara kugira iki kibazo akakigeza kuri bagenzi be, DJ Pius yahise amwemerera ibihumbi 50 Frw mu gihe DJ Brianne we yitanze 10 000 Frw.

Arakomeza ati “Amafaranga yagombaga koherezwa kuri telefone ya DJ Pius kuko ari mu baduhagarariye. Pius yafashe amafaranga ye 40 000 Frw ndetse anongeraho na 10 000 Frw ya Brianne.”

Nyuma DJ Brianne yaje kubaza DJ Sisqo niba amafaranga yaramugezeho undi amubwira ko yamugezeho ariko DJj Brianne we avuga ko DJ Pius yayariye ndetse agomba kumusubiza aye cyangwa se akayaha uwo yari agenewe.

DJ Brianne mu minsi ishize yahise ajya ku rubuga rwa Instagram, avuga ko DJ Pius yariye amafaranga arimo n’aye ibihumbi 10 Frw yari yatanze nk’ubufasha kuri mugenzi we arimo n’andi ya bagenzi be bari batanze.

DJ Sisqo yavuze ko ibi bintu byose Dj Brianne arimo ari ugushaka kuzamukira kuri DJ Pius.

Ati “DJ Brianne yashyize ibinyoma kuri DJ Pius. Nta mafaranga ye yariye. Mu mafaranga DJ Pius yampaye hari harimo n’aya DJ Brianne. Arashaka kuzamukira kuri DJ Pius gusa icyiza ni uko n’amafaranga yaburanaga bayamusubije.”

DJ Brianne yavugaga ko aya mafaranga ye ibihumbi 10 Frw yariwe nta kabuza cyane ko 1K Entertainment ya DJ Pius yari yemeye 50 000 Frw ariko bikaza kurangira itanze 40 000 Frw yaje kongerwaho 10 000 Frw ya DJ Brianne.

Avuga ko ngo aya yatanzwe mbere andi aba-DJ bagiye batanga yaburiwe irengero. Mu kiganiro aheruka kugirana na Yago TV Show, DJ Pius yahise yishyura 10 000 Frw uyu mukobwa. Gusa Pius avuga ko hari abandi bagiye bafashwa kuko atari DJ Sisqo wenyine wari ukomerewe.

Aba bombi (DJ Pius na Dj Brianne) basanzwe batajya imbizi cyane ko uyu mukobwa ngo ‘yigeze kuvuga ko Pius amwanga’ ndetse hari amakuru avuga ko ngo ikintu cyatumye badahuza ari uko Pius yanze ko uyu mukobwa ajya muri 1K Entertainment ibarizwamo abahanzi n’aba-Dj batandukanye.

DJ Pius yari amaze iminsi ashyiditse na DJ Brianne
DJ Brianne avuga ko DJ Pius amwanga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .