Kongera ibihembo n’amakamba byatumye Umwaliwase asubira muri Miss Rwanda

Yanditswe na Nsengiyumva Emmy
Kuya 3 Werurwe 2021 saa 01:46
Yasuwe :
0 0

Umwaliwase Claudette witabiriye irushanwa rya Miss Rwanda mu 2020, yongeye kurigarukamo nyuma y’umwaka umwe mu rwego rwo kugerageza amahirwe ye.

Uyu mukobwa uri muri 37 bari guhatanira ikamba rya Miss Rwanda 2021, yabwiye IGIHE ko yagarutse muri iri rushanwa mu rwego rwo kongera kugerageza amahirwe ye atabashije kubona umwaka ushize.

Umwaliwase avuga ko umwaka ushize ntako atari yagize ariko amahirwe ntiyamusekera.

Yagize ati “Ubushize sinavuga ngo ni iki cyatumye bitagenda neza, nari nakoze uko nshoboye, wenda ntiyari amahirwe yanjye.”

Kongera ibihembo mu irushanwa rya Miss Rwanda, byatumye afata icyemezo cyo kurisubiramo.

Ati “Ikintu cyatumye nifuza kugaruka muri iri rushanwa, ni amahirwe nabonye arimo. Ibihembo byarazamutse, hiyongereye amakamba no kwishyurira amashuri abakobwa bazitwara neza, byatumye numva nagerageza amahirwe yanjye.”

Gusubira muri Miss Rwanda, ni icyemezo Umwaliwase avuga ko yafashe akabihisha iwabo kuko atari yizeye uko babyakira.

Ati “Sinabanje kubibwira mu rugo, nabiganirije inshuti zanjye nyuma mba aribwo mbiganiriza mu rugo banyizeza kunshyigikira.”

Umwaliwase avuga ko irushanwa rya Miss Rwanda ari urubuga ruzamufasha gushyira mu bikorwa umushinga we.

Umushinga w’uyu mukobwa ushingiye ku kurwanya ihohoterwa rikorerwa abana yaba abakobwa n’abahungu.

Umwaliwase Claudette w’imyaka 21 ni nimero 30 muri Miss Rwanda ahagarariyemo Umujyi wa Kigali. Kugeza ubu uyu mukobwa yiga mu Mwaka wa mbere muri Kaminuza ya Kigali aho akurikirana amasomo ya ‘Marketing’.

Umwaliwase Claudette ni nimero 30 mu irushanwa rya Miss Rwanda 2021
Uyu mukobwa yahisemo kugaruka muri Miss Rwanda kugerageza amahirwe nyuma yo kudahirwa umwaka ushize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .