Ngarukiye yavuguruye inanga yahereyeho ubuhanzi bwe (Video)

Yanditswe na Munyengabe Murungi Sabin
Kuya 10 Kanama 2018 saa 04:23
Yasuwe :
0 0

Umuhanga mu gucuranga inanga, Daniel Ngarukiye yavuguruye inanga yabimburiye izindi yakoze mu myaka amaze aririmba, yayishyize hanze mu buryo bw’amashusho, ikoze mu buryo bwa live.

Ngarukiye yari amaze iminsi mu Mujyi wa Barcelona aho yihugura mu masomo ajyanye na gitari. Ubusanzwe, ni umuhanzi uzwi mu Rwanda mu muziki wa gakondo akaba umwe mu bakiri bato bafite ubumenyi bwihariye mu gukirigita inanga ya Kinyarwanda.

Afite inanga nyinshi zacuranzwe mu Rwanda mbere y’uko ajya kuba mu Burayi, yacuranze no mu bitaramo bikomeye mu gihugu no ku rwego mpuzamahanga benshi bakanyurwa n’ubuhanga bwe akomora kuri sekuru Sentore Athanase.

Ubu, Ngarukiye yashyize hanze amashusho ya ‘Kuki yambeshye’ imwe mu nanga yacuranze mbere akinjira mu muziki. Iyi nanga niyo yasohoye mbere ya ‘Why did she lie to me’ yaciye ibintu cyane mu mwaka wa 2012 ari nabwo yayishyize hanze.

Yabwiye IGIHE ati “Mu by’ukuri sinavuga ko nayisubiyemo, kuko iyi ni yo ndirimbo yanjye ya mbere nahimbye. Iyi ndirimbo ni iy’amateka kuri njyewe, inyibutsa byinshi , mbese inyibutsa itangiriro ryanjye mu buhanzi.”

Yakomeje agira ati “Ubundi nababwira ko iyi ndirimbo ‘Kuki yambeshye’ ari yo yabyaye iyo abantu benshi bamenye nka ‘Why Did She Lie To Me’ kuko nabanje guhimba iyi nyuma nkaza kuyishyira mu Cyongereza kidasanzwe abantu benshi banibajijeho kikanabatungura ,yemwe nanjye ntisize.”

Ngarukiye avuga ko iyi nanga ayifata nk’itangiriro ry’umuziki akora kugeza ubu kuko “inyibutsa aho navuye n’aho ndi kugenda ngana.”

Nyuma ya ‘Kuki yambeshye’, Ngarukiye Daniel arateganya gushyira hanze indi nanga nshya yise ‘Urucantege’.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza