Neza yatoranyijwe mu cyiciro cy’abahanzi batanga icyizere muri Afurika

Yanditswe na Munyengabe Murungi Sabin
Kuya 9 Nzeri 2017 saa 11:31
Yasuwe :
0 0

Neza Da SongBird, ukorera umuziki muri Canada yatoranyijwe mu bahanzi bahagaze neza kandi bafite icyerekezo kizima mu muziki wa Afurika, ni we munyarwanda rukumbi wabonetse ku rutonde rw’abahatanira ibihembo bya Afrima.

Ibihembo bikomeye muri Afurika , All Africa Music Awards (AFRIMA) bigiye gutangwa ku nshuro yayo ya kane, bihataniwe n’abahanzi bakunzwe mu nguni zose za Afurika. Mu byiciro 33 bihataniwe, umuhanzi Neza ni we uhagarariye u Rwandaku bw’indirimbo ‘Uranyica’.

Neza Da SongBird, asigaye afashwa n’inzu na MCG Entertainment yo muri Nigeria ari nayo yatunganyije ‘Uranyica’ iri mu zicurangwayo cyane muri iki gihe.

Mu cyiciro cy’umuhanzi utanga icyizere[most promising artiste in Africa], Neza ubusanzwe witwa Patricia Neza Masozera ari kumwe n’abahanzi barimo Mr.Eazi(Nigeria), Rythmz(Cameroon), Mousto Camara(Guinea), Heritier Watanabe (RDC), Blaise B(Cameroon), Beatballer (Cameroon) ndetse na Soul Bangs wo muri Guinea unaherutse gutwara igihembo cya Prix Découvertes RFI.

Neza yinjiye muri ibi bihembo kubera iyi ndirimbo yakoze abifashijwemo na MC Galaxy wamwinjije mu bahanzi bakorana na MCG Entertainment imwe mu nzu zitunganya umuziki zikanafasha abahanzi muri Nigeria.

Ubwo yasohoraga ‘Uranyica’, Neza yavuze ko iyi ariyo ya mbere akoranye na MCG Empire, yatunganyijwe na Producer Pimpz Beat, icurangwamo gitari n’uwitwa Fiokee. Neza ubusanzwe aba muri Canada, ariko amaze igihe muri Nigeria mu bikorwa by’umuziki.

‘Uranyica’ iririmbitse mu rurimi rw’Icyongereza, Ikinyarwanda, Ikinya-Nigeria n’Ilingala.

Mu nyikirizo Neza aririmbamo cyane Ikinyarwanda akagira ati “Uranyica… Umukobwa nka njye wabikura he? Nta wugukunda nk’uko ngukunda.”

‘Uranyica’ imaze iminsi icurangwa kuri Radio zikomeye muri Nigeria harimo iyitwa Hot 99.5FM Owerri, HitFM Calabar, Space FM 90.1 Ibadan, Cool FM Abuja, Beat 99.9 FM PH n’andi maradiyo menshi. Nyuma yo gushyira hanze amashusho kandi yahise atangira kwamamara kuri Televiziyo mpuzamahanga by’umwihariko izikorera muri Nigeria.

Uretse Uranyica, Neza amaze gusohora izindi ndirimbo zirimo ‘Wish Is My Command’, ‘Burn It Down’, ‘Angel of Love’,‘Only God Knows’, ‘Tambola’.

Icyiciro cy'abahanzi b'abagore muri Afurika y'Uburasirazuba
Icyiciro cy'abahanzi b'abagabo muri Afurika y'Uburasirazuba
Mu bahanzi b'umwaka muri Afurika, Eddy Kenzo wo muri Uganda ni we uhagararariye aka karere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza