Neza yahawe igihembo cya Afrima nk’umuhanzi utanga icyizere muri Afurika

Yanditswe na Munyengabe Murungi Sabin
Kuya 13 Ugushyingo 2017 saa 12:22
Yasuwe :
0 0

Neza Da SongBird, ukorera umuziki muri Canada yahawe igihembo gikomeye mu cyiciro cy’abahanzi bahagaze neza kandi bafite icyerekezo kizima mu muziki wa Afurika.

Neza ubusanzwe witwa [Patricia Neza Masozera] ni we munyarwanda rukumbi wari ku rutonde rw’abahataniye ibihembo bya Afrima[All Africa Music Awards] byatanzwe mu ijoro ryo kuri iki Cyumweru tariki ya 12 Ugushyingo 2017.

Ibirori byabereye mu Mujyi wa Lagos [ari naho asigaye akorera indirimbo] ahitwa muri EKO Hotel & Suites. Umuririmbyi w’icyamamare ku Isi, Akon ni we wari uyoboye ibi birori byari byahurije hamwe abahanzi bakomeye ba Afurika.

Neza ukomoka mu Rwanda yahawe igihembo cy’umuhanzi utanga icyizere muri Afurika [most promising artiste in Africa]. Yahigitse abari kwigaragaza neza muri iyi minsi barimo na Mr.Eazi wo muri Nigeria.

Mu bandi bahanzi bari bahanganye na Neza harimo Rythmz(Cameroon), Mousto Camara(Guinea), Heritier Watanabe (RDC), Blaise B(Cameroon), Beatballer (Cameroon) ndetse na Soul Bangs wo muri Guinea unaherutse gutwara igihembo cya Prix Découvertes RFI.

Ayo Balogun [Wizkid] yatwaye ibihembo bibiri bikomeye, icy’umuhanzi w’umwaka[Artiste of the Year] ndetse n’icy’indirimbo nziza y’umwaka muri Afurika y’Uburengerazuba[Best West African Artiste award].

Mu bandi bo muri Nigeria bahembwe harimo Tiwa Savage, YCee, Wande Coal, 2baba, Adasa Cookey na Orezi.

Neza Da SongBird, asigaye afashwa n’inzu na MCG Entertainment yo muri Nigeria ari nayo yatunganyije ‘Uranyica’ iri mu zicurangwayo cyane muri iki gihe ndetse ituma ahabwa iki gihembo.

Ubwo yasohoraga ‘Uranyica’, Neza yavuze ko iyi ariyo ya mbere akoranye na MCG Empire, yatunganyijwe na Producer Pimpz Beat, icurangwamo gitari n’uwitwa Fiokee. Neza ubusanzwe aba muri Canada, ariko amaze igihe muri Nigeria mu bikorwa by’umuziki.

‘Uranyica’ iririmbitse mu rurimi rw’Icyongereza, Ikinyarwanda, Ikinya-Nigeria n’Ilingala.

Kanda hano urebe urutonde rurambuye rw’abatsinze


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza