Miss Uwase Vanessa yahishuye igihe azakorera ubukwe n’umuherwe uherutse kumwambika impeta

Yanditswe na Nsengiyumva Emmy
Kuya 30 Ukwakira 2019 saa 08:38
Yasuwe :
0 0

Uwase Raissa Vanessa w’imyaka 27 yabaye igisonga cya mbere cya Nyampinga w’u Rwanda mu 2015, mu minsi ishize yambitswe impeta n’umuherwe Putin Kabalu bitegura kurushinga.

Uwase yahishuye igihe azakorera ubukwe n’uyu muherwe ubwo yahaga umwanya abamukurikira kuri Instagram ngo bamubaze ibibazo bumva bifuza abasubize.

Ibi bibazo abenshi bibandaga ku kumubwira ko bamukunda abandi bakamubaza ibye n’umugabo bakundana ndetse bamwe bakamubaza igihe yumva azakorera ubukwe.

Abajijwe igihe azakorera ubukwe Uwase yagize ati “Ndatekereza umwaka utaha Imana nibishaka.”

Nubwo yavuze umwaka utaha (2020), Uwase ntiyigeze yerura ngo avuge ukwezi cyangwa itariki ubu bukwe buzaberaho.

Miss Uwase abajijwe niba bizamusaba guhindura idini kugira ngo akore ubukwe cyane ko umugabo we ari umu-Islam we akaba umukirisitu, yagize ati “Ndacyabitekerezaho.”

Muri iki kiganiro kandi Miss Uwase yahishuye ko Putin Kabalu ari umugabo w’umunye-Congo akaba n’Umunyarwanda ikindi gice, aha yagize ati “Igice kimwe ni umunye-Congo ikindi ni Umunyarwanda.”

Miss Uwase yaherukaga kumvikana mu itangazamakuru mu nkuru z’urukundo mu 2016 ubwo yari ashuditse na Olivis Mugabo wo mu itsinda rya Active icyakora ibyishimo byabo ntibyarambye kuko Vanessa yabenze Olivis akamwita umwana.

Icyo gihe Vanessa yanditse ubutumwa agaragaza ko yongeye kubaho adafite umukunzi avuga ko yari arambiwe gukundana n’umuhungu w’umwana ugikeneye kurerwa.

Olivis nawe ntiyaripfanye dore ko yaje kwandika ku rubuga rwa Instagram asubiza uyu mukobwa amubwira ko ntawita umwana uwo yambariye ukuri.

Buri umwe wagerageje kubaza Miss Uwase ibijyanye n’urukundo rwe na Olivis muri iki kiganiro yamubwiye ko atifuza gusubira mu mateka y’ahahise h’urukundo rwe.

Miss Uwase Vanessa arateganya ko 2020 ari umwaka azakoramo ubukwe
Ubwo Miss Uwase Vanessa yambikwaga impeta n'umuherwe Putin
Nyuma yo kwambikwa impeta byari ibyishimo ku mpande zombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza