00:00:00 IGIHE NETWORK KN KINYARWANDA EN ENGLISH FR FRANCAIS

Miss Uwase Vanessa yasezeye itangazamakuru asubira mu bucuruzi (Video)

Yanditswe na Nsengiyumva Emmy
Kuya 7 Nzeri 2021 saa 10:36
Yasuwe :
0 0

Miss Uwase Raïssa Vanessa wari uherutse kwinjira mu itangazamakuru agakora kuri City radio amezi hafi atatu, yamaze gusezera yisubirira mu bucuruzi bw’ibikoresho bya ’Makeup’.

Miss Uwase Raïssa Vanessa wabaye Igisonga cya mbere cya Miss Rwanda mu 2015 yatangiye akazi kuri City Radio muri Gicurasi 2021.

Muri Kanama 2021 nibwo Miss Uwase Vanessa yasezeye kuri radiyo yinjira mu bushabitsi bw’ibikoresho bya ‘Makeup’ yaniyitiriye ‘Hermajestyvanessa’ n’imitako irimo imikufi, amaherena n’ibikomo.

Avuga ko yahisemo kubyiyitirira kugira ngo abantu bizere ko ari ibye bityo banabigure bumva ko ari we bari kugurira.

Mu kiganiro na IGIHE, Miss Uwase Vanessa yavuze ko yahisemo kureka iby’itangazamakuru kuko yanze kuvanga imirimo kugira ngo atagira bimwe azica.

Ati “Ntabwo radiyo yananiye, ahubwo narebye gufatanya ibintu bibiri nisanga hari abo nahemukiye nkica akazi, nahisemo kimwe mpitamo ubushabitsi kuko ndi mu bucuruzi bwanjye.”

Miss Uwase Vanessa yahishuye ko nta gahunda afite yo gusubira mu itangazamakuru mu gihe akiri muri ubu bucuruzi.

Uyu mukobwa avuga ko yahisemo ubucuruzi bw’ibikoresho bya Makeup kuko na we
ari ibintu akunda. Ati “Natekereje ubu bucuruzi kuko mbikunda, nkunda kwiyitaho nkabona nsa neza abantu basa neza.”

Ibi bikoresho byose uyu mukobwa ari kubicuruza yifashishije ikoranabuhanga, aho ushaka kumugurira anyura ku rubuga yafunguye mu mazina ye www.hermajestyvanessa.com.

Ibi bikoresho byifashishwa mu gukora 'Makeup' Miss Uwase Vanessa yashyize ku isoko yaranabyiyitiriye
Miss Uwase Vanessa avuga ko yinjiye muri ubu bucuruzi kuko ari ibintu asanzwe akunda
Miss Uwase Vanessa kugira ngo yinjire mu bucuruzi byamusabye kubanza guhagarika ibyo gukora kuri radiyo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .