Miss Umwali Neema yabyariye muri Amerika

Yanditswe na Munyengabe Murungi Sabin
Kuya 7 Ugushyingo 2016 saa 07:49
Yasuwe : XX
91 55

Nyampinga Umwali Neema Larissa ari mu byishimo bikomeye byo kwakira imfura ye n’umugabo we Ngabo barushinganye mu Ukuboza 2015.

Miss Umwali Neema yibarutse umukobwa mu ijoro ryo kuwa Gatandatu rishyira ku Cyumweru tariki ya 6 Ukuboza 2016. Mbere yo kujya mu bitaro kwibaruka yari yabitangaje kuri Instagram ‘avuga ko we n’umugabo we Ngabo bagiye kugira umuryango wagutse bakaba batatu’.

Amaze kwibaruka yahise ashyira kuri Instagram ifoto y’umwana yabyaye ahita anavuga ko ’ari umukobwa’. Inshuti ze, abo mu muryango we n’abamukurikirana kuri Instagram bamwandikiye bamwereka ko ‘bishimiye umwana yabyaye’.

Umwali Neema Larissa w’imyaka 26 y’amavuko yabaye Nyampinga wa Kaminuza yahoze yitwa KIE, yanahagarariye u Rwanda mu marushanwa Mpuzamahanga y’ubwiza atandukanye muri Miss East Africa na Miss Supranational umwaka wa 2014.

Yakoreye ubukwe muri Leta ya Texas muri Amerika ku itariki 19 Ukuboza 2015, aba bombi ubu bamaranye amezi icyenda barushinze. Umwali Neema aheruka kugira na IGIHE, Umwali Neema yavuze ko nyuma yo gukora ubukwe azagaruka i Kigali n’umugabo we bagakishimana n’imiryango kuko mu kurushinga hari inshuti za hafi gusa.

Yagize ati “Tuba muri Amerika njye n’umukunzi wanjye, icyo twakoze ni ugusezerana imbere y’Imana […] turateganya kuzagaruka mu Rwanda mu mwaka wa 2016.”

Ifoto Neema aheruka gushyira hanze agaragaza ko akuriwe
Umwali Neema n'umugabo we batuye muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE