Miss Umuhoza Sharifa yakowe (Amafoto)

Yanditswe na Munyengabe Murungi Sabin
Kuya 2 Nyakanga 2018 saa 09:38
Yasuwe :
0 0

Miss Umuhoza Sharifa ageze kure gahunda yo kwitegura kurushinga, yasabwe ndetse aranakobwa mu muhango ukomeye wabereye iwabo mu Karere ka Musanze kuri iki Cyumweru tariki ya 1 Nyakanga 2018.

Ibirori byo gusaba no gukwa Miss Umuhoza Sharifa, iwabo aho avuka mu Mujyi wa Musanze ku Kamuhoza-Muhabura. Ibi birori byari biryoheye ijisho, byari biteguwe Kinyarwanda ndetse ahanini n’umuziki wasusurukije abitabiriye uyu muhango wari wiganjemo imbyino gakondo; ibirori byaryoshye kurushaho ubwo intore z’Abarundi zitakumaga.

Umuhoza Sharifa yakowe n’umukunzi we Niyonteze Thierry mu gihe habura igihe gito ubukwe bwabo bombi bugataha. Uyu muhango, wagaragayemo abakobwa bahatanye na Miss Sharifa Umuhoza mu irushanwa rya Nyampinga w’u Rwanda 2016 barimo Miss Rwanda 2016 Mutesi Jolly, Mutoni Jane[Miss Rwanda Heritage 2016], Miss Uwamahoro Ariane watowe nk’uzi kubana neza kurusha abandi icyo gihe, Isimbi Eduige, n’abandi.

Nyuma y’uko Niyonteze Thierry yatanze inkwano mu muryango wa Miss Sharifa, ku itariki ya 14 Nyakanga 2018 hazaba umuhango wo guhana isezerano hanyuma basangire n’inshuti zabo muri Ineza Garden i Kinyinya.

Miss Sharifa yabwiye IGIHE ko igikomeye cyatumye ahitamo Thierry nk’umugabo we iteka ryose, ngo “ni umutima mwiza afite”. Yongeyeho ati “Ni byinshi cyane, bimwe mu byo nakubwira ni uko afite umutima mwiza, arubaha. Ikindi njye na we turashyigikirana, aranshyigikira mu byo nkora byose."

Umuhoza Sharifa yamenyekanye cyane ubwo yambikwaga ikamba ry’umukobwa wakunzwe kurusha abandi muri Miss Rwanda 2016, icyo gihe yanabaye igisonga cya kane cya Nyampinga w’u Rwanda.

Muri Mutarama 2018, nibwo umukunzi we yamwambitse impeta y’urukundo bahita banatangaza ko ari intambwe ya mbere iganisha ku bukwe bwabo.

Abagaragiye Niyontezi Thierry ubwo yari aje gusaba umugeni
Miss Sharifa hano abo mu muryango we bari bagiye kumutanga
Miss Umuhoza Sharifa yakowe yasabwe aranakobwa
Isimbi Eduige, umwe mu bakobwa bahatanye na Miss Sharifa muri Miss Rwanda 2016
Uwimana Ariane na Miss Mutesi Jolly bafashaga Sharifa muri uyu muhango
Mutoni Jane[ibumoso] yashyigikiye Sharifa
Miss Umuhoza Sharifa ku munsi wo gusabwa kwe
Umubyeyi wa Miss Umuhoza Sharifa
Sharifa n'umubyeyi we
Miss Mutesi Jolly ari mu bafashije Sharifa ku munsi wo gusabwa kwe
Miss Umuhoza Sharifa na Mutesi Jolly babyina mu mujyo w'indirimbo gakondo
Miss Sharifa hano yakiraga impano z'abana babyawe n'abakobwa bahuriye muri Association Icyerekezo

Amafoto: Museme Nabi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza