Miss Nimwiza Meghan yasutse amarira ku kibuga cy’indege ubwo yari yitabiriye Miss World 2019 (Video)

Yanditswe na Nsengiyumva Emmy
Kuya 19 Ugushyingo 2019 saa 08:56
Yasuwe :
0 0

Miss Nimwiza Meghan witabiriye Miss World yahagurutse i Kigali yerekeza i Londres mu Bwongereza, mbere yo guhaguruka ku kibuga cy’indege i Kanombe uyu mukobwa yaturitse ararira ubwo yasezeraga ku bari bamuherekeje.

Ubwo yahagurukaga i Kigali, Miss Nimwiza yabwiye IGIHE ko yiteguye bishoboka ku buryo yizeye kuba yatsinda nubwo azi neza ko ibyo agiyemo ari irushanwa kandi mu irushanwa buri wese aba afite amahirwe.

Yagize ati” Njye nditeguye kandi byose birashoboka ni irushanwa, ibyanjye nzabikora uko nshoboye ariko hazaba hanakenewe uruhare rw’abandi banyarwanda bagomba kuzantora.”

Miss Nimwiza yavuze ko ba Nyampinga bamubanjirije hari impanuro n’ibyo bamubwiye bibera muri iri rushanwa cyane ko nabo barinyuzemo.

Abajijwe ku cyatumye aturika akarira, Miss Nimwiza yavuze ko atazi neza uko byaje gusa yemera ko ari urukumbuzi azagirira abari bamuherekeje.

Uyu mukobwa yitabiriye Miss World 2019 nyuma yuko ariwe wari waregukanye ikamba rya Nyampinga w’u Rwanda mu mwaka wa 2019.

Miss Nimwiza abaye umukobwa wa kane witabiriye Miss World nyuma ya Miss Mutesi Jolly witabiriye iri rushanwa mu mwaka wa 2016, muri 2017 hagiyeyo Iradukunda Elsa, mu gihe Iradukunda Liliane ariwe waserukiye u Rwanda mu mwaka wa 2018.

Miss World 2019 ni irushanwa biteganyijwe ko rizabera mu Bwongereza mu mujyi wa Londres guhera tariki 20 Ugushyingo 2019 kugeza tariki 14 Ukuboza 2019 ubwo hazaba hatangwa ikamba ku mukobwa umwe uzaba yahize abagera ku 130 bagomba kuryitabira.

Nimwiza Meghan yahagurukanye icyizere cyo kwitwara neza muri Miss World 2019
Miss Nimwiza Meghan yahagurukanye ibendera ry'igihugu

Reba ikiganiro twagiranye na Miss Meghan mbere yuko ahaguruka i Kigali


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza