Miss Mutesi Jolly yaganiriye na Ambasaderi Igor Cesar (Amafoto)

Yanditswe na Munyengabe Murungi Sabin
Kuya 24 Nzeri 2016 saa 10:40
Yasuwe :
0 0

Miss Mutesi Jolly uri mu ruzinduko i Burayi, yagiranye ibiganiro na Ambasaderi w’u Rwanda mu Budage Igor Cesar byibanze ahanini ku bufasha uyu mukobwa azahabwa mu kurushaho kuzuza inshingano ze nka Nyampinga.

Nyampinga w’u Rwanda Mutesi Jolly yagiye i Burayi mu rugendo ruzamara hafi ibyumweru bitatu asura ibice bitandukanye by’uyu mugabane anaganira n’Abanyarwanda bahatuye mu kumenyekanisha gahunda yise ‘Agaciro Kanjye Campaign’.

Uyu mukobwa yakoze uru rugendo nka kimwe mu bihembo yahawe n’uruganda Sebamed ubwo yambikwaga ikamba rya Nyampinga w’u Rwanda muri Gashyantare 2016.

Mutesi Jolly na Ambasaderi w'u Rwanda mu Budage

Kuri uyu wa 23 Nzeri 2016 Miss Mutesi Jolly yagiranye ibiganiro na Mu biganiro yagiranye na Ambasaderi w’u Rwanda mu Budage Igor Cesar. Yamusobanuriye ko ‘icyamuteye gutangiza Agaciro Kanjye Campaign’, yamwemereye ubufasha azakenera mu bikorwa ateganya gukora mu gukumira no guca burundu ikibazo cy’abana bo ku muhanda.

Miss Mutesi Jolly kandi yabonanye na Maria Luise "Malu" Anna Dreyer uyobora Intara ya Rhénanie-Palatinat ifitanye ubufatanye n’uturere two mu Rwanda n’ibindi bikorwa bitandukanye.

Yavuye mu Budage yerekeza mu Bufaransa mu Mujyi wa Lyon aho azahura n’ihuriro ry’Abanyarwanda bahatuye. Mutesi Jolly arateganya kuzagaruka mu Rwanda ku itariki ya 4 Ukwakira 2016.

Miss Mutesi Jolly yasuye Ambasade y'u Rwanda mu Budage

Miss Mutesi Jolly yabonanye na Maria Luise "Malu" Anna Dreyer uyobora Rhénanie-Palatinat

Miss Mutesi Jolly n'Umuyobozi w'Intara ya Rhénanie-Palatinat
Ubuyobozi bw'Intara ya Rhénanie-Palatinat bwashimye gahunda 'Agaciro Kanjye Campaign' ya Mutesi Jolly

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza