Miss Kundwa Doriane yagizwe umuyobozi wungirije w’ihuriro ry’urubyiruko muri Canada

Yanditswe na Munyengabe Murungi Sabin
Kuya 14 Mata 2017 saa 12:57
Yasuwe :
0 0

Kundwa Doriane wabaye Nyampinga w’u Rwanda mu mwaka wa 2015, yagizwe Umuyobozi wungirije w’ihuriro ry’urubyiruko nyarwanda ruba muri Canada ryitwa International Rwanda Youth for Development [IRYD].

Ihuriro International Rwanda Youth for Development ribarizwa muri Canada i Montreal , rimaze imyaka ibiri rishinzwe kuko ryatangiye gukora ku mugaragaro mu mwaka wa 2015. Mu migambi ikomeye rifite harimo guhuza urubyiruko rukomoka mu Rwanda n’urwo mu bindi bihugu hagamijwe guhuza ibitekerezo bigamije iterambere.

Ubuyobozi bw’iri huriro bwasohoye itangazo kuri uyu wa 13 Mata 2017 rishimangira ko Miss Kundwa Doriane yatorewe kuba Umuyobozi wungirije akazafatanya na komite isanzwe iyobowe na Moses Gashirabake ari na we warishinze.

Muri iri tangazo riri ku rubuga rw’iri huriro ubuyobozi bwemeje ko ‘Miss Kundwa Doriane agizwe Visi Perezida ndetse akazaba ashinzwe ibikorwa byo guhuza ihuriro n’abafatanyabikorwa baryo muri Canada no mu Rwanda’.

Umuyobozi w’iri huriro yagize ati “Miss Kundwa Doriane asangiye icyerekezo n’ihuriro IRYD mu guha imbaraga urubyiruko rukomoka mu Rwanda, Canada no ku Isi yose. Kundwa azwi cyane mu bikorwa yakoze akiri Nyampinga w’u Rwanda 2015 […] IRYD yizeye ko azayifasha bikomeye mu cyerekezo yihaye cyo guhuza urubyiruko ruturuka mu Rwanda n’inshuti zarwo mu bice byose byo ku Isi mu bikorwa by’iterambere rirambye.”

Kundwa asigaye atuye mu Ntara ya Ontario, yavuye mu Rwanda kuwa 6 Nzeri 2016 ajya kuba muri Canada aho yiga kaminuza mu ishami rya Administration muri Laval University mu Mujyi wa Québec.

Miss Kundwa Doriane yasize avuga ko agiye kwiga gusa byahishuwe ko atiga muri Kaminuza

Miss Kundwa Doriane yavukiye i Nyamirambo kuwa 21 Mata 1995. Ni bucura mu muryango w’abakobwa bane bavukana. Umuryango we utuye mu Karere ka Kicukiro, mu Murenge wa Niboye, Akagari ka Gatare, mu Mudugudu w’Imena.

Yize amashuri abanza muri ESCAF Primary School Rwampala, ayisumbuye ayiga muri Lycée Notre Dame de Cîteaux ayakomereza muri Lycée de Kigali. Yabaye Nyampinga asoje amashuri yisumbuye muri Glory Secondary School mu ishami ry’Imibare, Ubutabire n’Ibinyabuzima.

Miss Kundwa Doriane yabaye Nyampinga w'u Rwanda mu 2015
Uyu mukobwa asigaye aba muri Canada ariko ngo ntabwo yiga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza