Kwamamaza

Miss Kundwa Doriane agiye kwiga Kaminuza i Québec

Yanditswe kuya 6-09-2016 saa 17:10' na Munyengabe Murungi Sabin


Nyampinga w’u Rwanda umwaka wa 2015, Kundwa Doriane agiye muri Canada gukomerezayo amasomo ya kaminuza mu Mujyi wa Québec.

Ku mugoroba wo kuri uyu wa Kabiri tariki ya 6 Nzeri 2016 nibwo Miss Kundwa Doriane ahagaruka i Kigali yerekeza muri Canada mu Mujyi wa Québec. Agiye kwiga mu ishami rya Administration muri Kaminuza ya Laval University iri i Québec.

Kugeza ubu ba Nyampinga b’u Rwanda uretse uwa 2016, bose baba hanze y’u Rwanda. Miss Rwanda 1993 aba mu Bubiligi n’umugabo we, Bahati Grace watowe muri 2009 aba muri USA, Mutesi Aurore watowe muri 2012 yagiye kwiga muri Turkey[ariko ubu asigaye aba muri USA].

Nyampinga Akiwacu Colombe watowe muri 2014 na we agiye kwiga mu Bufaransa muri Nzeri 2015. Miss Mutoni Balbine wabaye igisonga cya Kane cya Miss Rwanda 2015 aherutse kujya muri Canada gukomeza amasomo. Kundwa Doriane wari usigaye mu Rwanda na we agiye hanze y’igihugu aho azamara imyaka ine.

Kundwa Doriane agiye kwiga ubutegetsi muri Canada

Miss Kundwa Doriane yavukiye i Nyamirambo kuwa 21 Mata 1995. Ni bucura mu muryango w’abakobwa bane bavukana. Umuryango we utuye mu Karere ka Kicukiro, mu Murenge wa Niboye, Akagari ka Gatare, mu Mudugudu w’Imena.

Yize amashuri abanza muri ESCAF Primary School Rwampala, ayisumbuye ayiga muri Lycée Notre Dame de Cîteaux ayakomereza muri Lycée de Kigali. Yabaye Nyampinga asoje amashuri yisumbuye muri Glory Secondary School mu ishami ry’Imibare, Ubutabire n’Ibinyabuzima.

Mu mashuri yisumbuye yize Imibare, Ubutabire n'Ibinyabuzima
Yiyongereye kuri aba ba Nyampinga baba hanze y'u Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved