Miss Iradukunda Elsa yongeye gutegura irushanwa ryo koga

Yanditswe na Muvunyi Arsène
Kuya 26 Nyakanga 2019 saa 06:02
Yasuwe :
0 0

Iradukunda Elsa wabaye Nyampinga w’u Rwanda 2017 yateguye irushanwa ryo koga ry’abana mu rwego rwo kubakundisha uyu mukino no gutanga ubutumwa bwo kurwanya ibiyobyabwenge.

Iri rushanwa rizaba ku Cyumweru tariki 28 Nyakanga 2019 guhera isaa tatu kuri Hotel La Pallise Nyandungu mu mujyi wa Kigali.

Rizahuza abana baturutse mu ntara zitandukanye n’umujyi wa Kigali, bari hagati y’imyaka umunani kugera kuri 18.

Aba bagabanyije mu byiciro bitatu hagendewe ku myaka yabo. Icya mbere ni uguhera ku myaka umunani kugera 10, 11 kugera kuri 13, 14 kugera 15 na 16 kugera kuri 18.

Iradukunda Elsa wabaye Nyampinga w’u Rwanda 2017, yabwiye IGIHE ko intego y’iri rushanwa ari ugushishikariza urubyiruko gukunda umukino wo koga kuko hari benshi batazi akamaro kawo.

Ati “ Intego ni ugushishikariza urubyiruko gukunda umukino wo koga kuko abenshi usanga bawufata nk’umukino usanzwe, kandi siporo y’ingirakamaro mu buzima bwa muntu.”

Uretse gukundisha urubyiruko umukino wo koga, hazatangwa ubutumwa bugamije kurukangurira kwirinda ibiyobyabwenge, bikomeje kwangiza ahazaza ha benshi.

Ni ku nshuro ya kabiri iri rushanwa rigiye kuba, gusa mu mwaka ushize ntiryabaye kuko Iradukunda Elsa atabashije kubonera igihe abagombaga kuryitabira.

Biteganyijwe ko hazahembwa batatu ba mbere muri buri cyiciro ndetse n’ikipe yitwaye neza.

Iradukunda Elsa utegura iri rushanwa nawe yawukinnye kuva akiri umwana ndetse yigeze gukina mu ikipe y’igihugu.

Miss Iradukunda Elsa asanzwe akina umukino wo koga
Ni ku nshuro ya kabiri haba irushanwa ryo koga ryateguwe na Iradukunda Elsa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza