00:00:00 IGIHE NETWORK KN KINYARWANDA EN ENGLISH FR FRANCAIS

Miss Ingabire Grace yahuye n’abegukanye ikamba rya Miss World mu 2018 na 2019

Yanditswe na Nsengiyumva Emmy
Kuya 22 Ugushyingo 2021 saa 09:15
Yasuwe :
0 0

Miss Ingabire Grace waserukiye u Rwanda mu irushanwa rya Miss World 2021, ku munsi wa mbere muri Puerto Rico ahagiye kubera iri rushanwa, yahahuriye n’abakobwa begukanye amakamba ya Miss World mu 2018 na 2019.

Silvia Vanessa Ponce de León Sánchez ubusanzwe iwabo bita Vanessa Ponce, ni umukobwa ukomoka muri Mexique wegukanye ikamba rya Miss World mu 2018, uyu yaje gusimburwa na Toni-Ann Singh wo muri Jamaica waryegukanye mu 2019.

Aba bakobwa bagiye guha ikaze barumuna babo, nibo baheruka kwegukana iri Kamba kuko mu 2020 ritigeze riba bitewe n’icyorezo cya Covid-19 cyari cyugarije Isi.

Ingabire Grace wageze muri Puerto Rico ku Cyumweru tariki 21 Ugushyingo 2021, yasangije abamukurikira ku mbugankoranyambaga, amafoto ari kumwe n’aba bakobwa bagiye gusura barumuna babo bari kwishakamo undi wakwegukana iri kamba.

Mbere y’uko ahaguruka mu Rwanda, Ingabire Grace yahawe ibendera ry’Igihugu n’Umunyamabanga wa Leta muri Minisiteri y’Umuco n’Urubyiruko Edouard Bamporiki, amumenyesha ko atagiye guhatana wenyine ahubwo agiye guhagararira u Rwanda muri aya marushanwa mpuzamahanga.

Miss Ingabire nawe ariko mbere y’uko yerekeza muri iri rushanwa, yabwiye IGIHE ko yiteguye neza kandi yifuza gukora ibishoboka byose akaba yakwegukana ikamba.

Byitezwe ko ikamba rya Miss World 2021 rizatangwa ku wa 16 Ukuboza 2021, uzatsinda akazaba asimbuye Miss Toni-Ann Singh wari umaranye imyaka ibiri iri Kamba bitiwe n’icyorezo cya Covid-19 cyatumye iri rushanwa ridakorwa umwaka ushize.

Miss Ingabire Grace ari kumwe na Miss Silvia Vanessa Ponce de León Sánchez ukomoka muri Mexique akaba yaregukanye ikamba rya Miss World mu 2018
Miss Ingabire Grace ari kumwe na Miss Toni-Ann Singh wo muri Jamaica wegukanye ikamba rya Miss World mu 2019 akaba ari nawe ukirifite
Miss Ingabire Grace yabashije gufatana ifoto na bakuru be muri Miss World

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .