Miss Akiwacu Colombe yemejwe mu bakobwa 80 bazitabira Miss Supranational

Yanditswe na Munyengabe Murungi Sabin
Kuya 1 Ukwakira 2016 saa 01:55
Yasuwe : XX
0

Nyampinga w’u Rwanda 2014, Akiwacu Colombe yemejwe mu bakobwa batoranyijwe kuzahatanira iri kamba mu marushanwa Mpuzamahanga ya Miss Supranational umwaka wa 2016.

Ubuyobozi butegura Miss Supranational bwemeje Miss Akiwacu Colombe w’imyaka 22 y’amavuko ko ari we uzahagararira u Rwanda muri aya marushanwa azabera muri Pologne. Akiwacu yari yatowe na Uwamahoro Yvonne wahagarariye u Rwanda bwa mbere muri Miss Supranational, uyu ni na we uhitamo umukobwa uzaserukira igihugu hanyuma akemezwa n’abategura iri rushanwa.

Ku rubuga rwa Miss Supranational ndetse no ku mbuga nkoranyambaga z’iri rushanwa, abaritegura bongereye Akiwacu Colombe ku rutonde rw’abakobwa bemerewe kuzahatana uyu mwaka. Ku nshuro ya karindwi irushanwa rigiye kuba rizitabirwa n’abakobwa 80 bo mu bihugu bitandukanye.

Irushanwa rizasozwa ku itariki ya 2 Ukuboza 2016, ibirori bizabera ahitwa Krynica Zdrój’s Ice Arena, mu majyepfo ya Pologne.

Abakobwa bazagera muri Pologne mbere y’ibyumweru bitatu kugira ngo bakore imyiteguro ibanziriza ibirori nyamukuru. Mu byo bazakora bagezeyo harimo gusura ibice nyaburanga by’iki gihugu, ibibitse amateka akomeye, ibirori by’imideli, kwifotoza no gukora ibiganiro kuri Televiziyo zo muri Pologne.

Miss Akiwacu Colombe azaserukira u Rwanda muri Miss Supranational

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza