Mike Karangwa yasezeye kuri B&B FM-Umwezi ajya kuri radiyo nshya

Yanditswe na Nsengiyumva Emmy
Kuya 28 Mutarama 2021 saa 07:59
Yasuwe :
0 0

Umunyamakuru Mike Karangwa usanzwe umenyerewe cyane mu biganiro by’imyidagaduro, yasezeye kuri B&B FM -Umwezi atangira imirimo mishya kuri Vision Fm, radiyo nshya y’imyidagaduro.

Bibaye nyuma y’amezi atandatu Mike Karangwa atangije ikiganiro K&K show kuri B&b FM-Umwezi.

Vision FM ni radiyo imaze iminsi mike cyane itangaje abandi banyamakuru bashya barimo; Tidjara Kabendera na Rutaganda Joel.

Mu kiganiro cyihariye na IGIHE, Mike Karangwa yavuze ko yahisemo guhindura aho yakoreraga kuko yifuzaga gukorera mu gitangazamakuru cyibanda cyane ku myidagaduro.

Ati “B&B FM-Umwezi ni radiyo nziza kandi ifite imbere heza, bafite gahunda nziza ariko bibanda ku mikino ku kigero cyo hejuru, urabizi ko imikino atari ikintu niyumvamo cyane. Nifuzaga ahantu bakora imyidagaduro ku kigero cyo hejuru mu rwego rwo kubaka uruganda rw’imyidagaduro mu Rwanda.”

Mike Karangwa yavuze ko nyuma yo kuganira n’ubuyobozi bwa Vision Fm bakumvikana kuri gahunda z’iyi radiyo, yahise afata umwanzuro wo gukorana nabo.

Uyu munyamakuru uzwi mu gutangiza ibiganiro by’imyidagaduro bigakundwa cyane, yavuze ko yifuza gutangiza ikindi kikazakundwa nkuko yabigenje mu bindi biganiro yagiye atangiza bigakundwa nka Salus relax, Sunday night, Ten tonight byose byubatse amazina mu kuzamura imyidagaduro y’u Rwanda.

Yijeje abakunzi b’imyidagaduro kuzaryoherwa n’ibiganiro azakora kuri iyi radiyo nshya agiye gutangiraho imirimo.

Mike Karangwa yavuze ko mu minsi mike azaba yatangiye kumvikana kuri radiyo.

Mike Karangwa avuye kuri B&B FM-Umwezi nyuma y'amezi atandatu atangijeyo ikiganiro
Mike Karangwa agiye gutangira kumvikana kuri Vision fm

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .