Melody uharawe muri Uganda agiye gukorera ibitaramo mu Rwanda

Yanditswe na Munyengabe Murungi Sabin
Kuya 15 Nzeri 2016 saa 03:18
Yasuwe :
0 0

Umuririmbyi Melody uri mu bamaze iminsi bakunzwe cyane muri Uganda ategerejwe mu Rwanda aho azakorera ibitaramo bitatu, mu Mujyi wa Kigali no mu Karere ka Musanze.

Melody yamamaye cyane mu ndirimbo yasohoye mu mwaka wa 2014 yise “Nkoleki” yakoranye n’umuririmbyi w’icyamamare Chameleone. Iyi ndirimbo yarakunzwe bikomeye ndetse yacuranzwe cyane ku maradiyo no mu tubyiniro dukomeye muri Uganda.

Yaririmbye izindi ndirimbo zirimo iyitwa “Njagala Dagala”, “I Love You”, “Vuvumira” n’izindi. Melody yagize izina rikomeye mu muziki abifashijwemo na label yamuzamuye yitwa Sipapa Entertainment.

Uyu muririmbyi yitezwe mu Mujyi wa Kigali ku mugoroba wo kuri uyu wa Kane tariki ya 15 Nzeri 2016. Kuri uyu wa Gatanu azitabira igitaramo cya mbere mu kabyiniro gakunzwe ku Kacyiru kitwa People Club.

Igitaramo cya kabiri Melody azagikorera mu Mujyi wa Musanze kuwa Gatandatu tariki ya 17 Nzeri 2016, iki kizabera ahitwa Harmonic. Igitaramo gisoza urugendo Melody azagirira mu Rwanda kizaba kuwa 18 Nzeri i Nyamirambo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza