Meddy yatumiwe mu gitaramo kizabera i Bugesera

Yanditswe na Munyengabe Murungi Sabin
Kuya 29 Nyakanga 2017 saa 02:06
Yasuwe :
1 0

Umuririmbyi Ngabo Medard Jobert [Meddy] umaze imyaka itandatu muri Leta Zunze Ubumwe za Amerika ari mu bahanzi bategerejwe kuzaririmbira mu gitaramo cya Mutzig Beer Fest.

Meddy yavuye mu Rwanda mu mwaka wa 2010, icyo gihe yari ku isonga mu bahanzi bari bakunzwe muri icyo gihe ndetse kugeza ubu ari imbere mu bafite igikundiro ku bw’indirimbo yakoze zirimo ‘Nasara’ , ‘Ntawamusimbura’, ‘Nka Paradizo’ n’izindi.

Mu myaka amaze mu mahanga yagiye ategura gahunda zo kugaruka i Kigali ntizikunde kubera inzitizi zitandukanye zirimo amasomo n’ibikorwa yashakaga kurangiza mbere yo kugaruka mu gihugu.

Igitaramo Meddy yatumiwemo kizabera mu Karere ka Bugesera ku itariki ya 2 Nzeri mu gihe icy’umwaka ushize cyabereye i Rugende kuwa 27 Kanama 2016, icyo gihe hatumiwe Wizkid wo muri Nigeria n’itsinda rya Liquideep ryo muri Afurika y’Epfo.

Meddy agiye kuza mu Rwanda ku butumire bwa Bralirwa ari nayo itegura iki gitaramo ngarukamwaka cya Mutzig Beer Fest. Ubuyobozi bwayo buvuga ko ‘kizabera mu Mujyi wa Nyamata mu kwirinda impanuka zabaye ubushize kubera umubyigano w’ibinyabiziga’.

Abahanzi bazafatanya na Meddy muri iki gitaramo kizabera mu busitani bwa Golden Tulip Hotel ntibaratangazwa ndetse igihe uyu musore azagera mu Rwanda ntikiratangazwa.

Mu kiganiro IGIHE yagiranye na Meddy yavuze ko ataranzura neza ku byerekeye gahunda agomba kuzakorera mu Rwanda n’igitaramo yatumiwemo ‘ku buryo nta byimbitse yatangaza ku rugendo rwe’.

Meddy agiye kuza mu Rwanda mu giye yitegura gusohora indirimbo nshya yise 'Slowly'

Uko byari byifashe Wizkid aririmba muri Mutzig Beer Fest


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza