Meddy na Sauti Sol bakoranye indirimbo i Dallas

Yanditswe na Munyengabe Murungi Sabin
Kuya 18 Ukwakira 2016 saa 03:59
Yasuwe :
0 0

Umuhanzi Meddy ukorera umuziki muri Amerika agiye gushyira hanze indirimbo nshya yahuriyemo n’itsinda ry’abaririmbyi bagize Sauti Sol, aba bahanzi bombi bizeye ko izamamara muri Afurika no hanze.

Sauti Sol iherutse kuza i Kigali kuwa 17 Nzeri 2016 aho yakoreye igitaramo gikomeye cyo kumurika album ‘Live and Die In Afrika’. Mu biganiro bagiranye n’itangazamakuru bavuze ko bifuza kugira ubufatanye n’abahanzi bo mu Rwanda by’umwihariko Meddy.

Icyo gihe Delvin Mudigi yavuze ko batangiye ibiganiro na “Meddy mu gushaka ubufatanye no gukorana indirimbo, kuko ni umuhanga cyane.” Aba bahanzi banavuze ko bishimira ko aba muri Amerika kuko bakeka ko ahungukira byinshi.

Sauti Sol iherutse kujya muri Amerika gukora ibitaramo bitandukanye, yanitabiriye ibirori byo gutanga ibihembo bya Afrimma Awards biherutse gutangirwa mu Mujyi wa Dallas. Aba bahanzi bo muri Kenya bahuriyeyo na Meddy bahita batangira umushinga wo gukorana indirimbo ndetse ubu iri hafi kurangira.

Meddy yabwiye IGIHE ati “Twari twabipanzeho gato mbere y’uko baza inaha hanyuma tuza guhurira muri Afrimma awards yabereye i Dallas nibwo twicaye turabipanga duhita dutangira gukorana, ubu turi gushaka uburyo bwo guhita dukora video yayo.”

Meddy wizeye ko iyi ndirimbo yakoranye na Sauti Sol izageza umuziki we ku rwego rukomeye yongeyeho ati “ Ndatekereza ubu bufatanye buzatuma umuziki wanjye waguka ukagera kure.”

Iyi ndirimbo iri gukorwa ku bufatanye bwa Sauti Sol na Meddy ndetse ni bo bari kuyicuranga babifashijwemo na Producer usanzwe ukorera iri tsinda.

Ati “Nibyo turikuyikoraho twese dufatanyije n’impande ebyiri z’aba Producers. Ntabwo turatangaza izina ry’indirimbo kuko yo ni agaseke gapfundikiye, SautiSol bifuza ko byaba surprise gusa hazaba harimo udushya twinshi.”

Meddy akoranye indirimbo na Sauti Sol nyuma y’iminsi mike atoranyijwe mu bahanzi bashya bahatanira ibihembo mpuzamahanga MTV Africa Music Awads bigenerwa abahanzi bahize abandi muri Afurika.

Meddy yabonanye n'abahanzi bo muri Kenya, Sauti Sol na Akothee

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza