Mbabazi Lilian yatumiwe mu gitaramo gikomeye mu Rwanda

Yanditswe na Munyengabe Murungi Sabin
Kuya 12 Nzeri 2016 saa 12:01
Yasuwe : XX
0

Umuhanzi ukomeye muri Uganda, Lilian Mbabazi yitezwe mu Mujyi wa Kigali kuwa 30 Nzeri 2016 aho azakorera igitaramo cya live muri Kigali Serena Hotel.

Mbabazi agiye kuza mu Rwanda aho yatumiwe mu gitaramo cya Jazz Junction kizabera muri Kigali Serena Hotel,azafatanya n’abahanzi bakomeye mu kuririmba by’umwimerere barimo Hope Irakoze wegukanye Tusker Project Fame n’abaririmbyi bagize Neptunez Band.

Lilian Mbabazi ni umuhanzi ukomoka mu Rwanda uri mu bahanzi kuri ubu bagezweho kandi bakunzwe cyane mu gihugu abamo cya Uganda. Muri Kanama 2015 yakoreye igitaramo i Kampala muri Serena Hotel harakubita haruzura abantu bamwe babura aho bicara.

Nyuma y’aho muri Nzeri 2015 yaje i Kigali naho ahakorera igitaramo gikomeye cyamuhuje n’itsinda rya Mafikizolo ni nabwo aheruka kuza mu Rwanda kuririmba.

Remmy Lubega uhagarariye itsinda ryateguye iki gitaramo yavuze ko bamutumiye nk’umuhanzi ukunzwe muri Uganda ariko by’umwihariko akaba umunyempano ukomoka mu Rwanda.

Afite indirimbo yaririmbye zakunzwe cyane zirimo Memories yahuriyemo na A Pass, Danger, Vitamin, Yegwe weka yakoranye na Kitoko n’izindi.

Mbabazi Lilian yaherukaga kuza mu Rwanda muri 2015 mu gitaramo yatumiwemo na Mutzig

Lilian Mbabazi akunda kugarukwaho cyane mu itangazamakuru ryo muri Uganda kubera iby’urukundo rwe na Radio uririmba muri Good Life.

Agiye kuza gucurangira mu gitaramo cya Jazz Junction nyuma ya Maurice Kirya [wahacurangiye muri Gashyantare 2016] na Myko Ouma[waje muri Gicurasi 2016.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza