Mbabazi Lilian wabyaranye na Mowzey Radio aravugwa mu rukundo n’umunyamategeko ukomoka mu Rwanda

Yanditswe na Uwiduhaye Theos
Kuya 3 Gicurasi 2021 saa 08:29
Yasuwe :
0 0

Umuhanzikazi ukomoka mu Rwanda Mbabazi Lilian uba muri Uganda, aravugwa mu rukundo n’umunyamategeko ukomoka w’Umunyarwanda ndetse amakuru yemeza ko bakunda kuba bari kumwe ahitwa Bugolobi.

Blizz iri mu bitangazamakuru bikomeye byandika ku myidagaduro muri Uganda, yatangaje ko ifite amakuru aturuka mu nshuti za hafi z’uyu muhanzikazi ko ‘yishimiye urukundo’ arimo ubu.

Umwe mu nshuti z’uyu muhanzikazi yabwiye iki kinyamakuru ko uyu mugabo bari gukundana yitwa Mucunguzi. Bivugwa ko yize muri Ntare School mbere yo kujya muri Kaminuza i Kigali. Akenshi iyo atari muri Kampala aba ari i Kigali.

Mbabazi yakundanye na Mowzey Radio witabye Imana tariki 1 Gashyantare 2018. Aba bombi bamenyanye mu 2005, bahuriye muri Kaminuza ya Makerere. Bombi bahavuye basoje amasomo ariko bahita binjira mu muziki nk’impano yatumye ubumwe bwabo bukomera.

Uyu munyarwandakazi yavukiye mu Mujyi wa Kampala gusa yaje mu Rwanda nyuma ya Jenoside yakorewe Abatutsi mu 1994. Yabaye i Kigali igihe kinini mbere y’uko asubira i Kampala gukomeza amashuri muri Kaminuza ya Makerere ari nabwo yinjiye muri Blue3.

Yamenyanye na Radio bahujwe na muzika bombi biyumvagamo ariko batarabikora nk’umwuga. Bakundaga kuririmba gusa yatinyutse kwiyerekana nk’umuhanzi ukomeye abifashijwemo na Radio babaga bari kumwe igihe kinini.

Agitangira gukundana na Radio yabanje kubibwira barumuna be na babyara be babaga i Kampala, ngo yaje kubwira nyina ibya Radio ubwo yasamaga bimutunguye afite imyaka 26. Aba bombi bagiye bakundana bakongera bagashwana gusa bafitanye abana babiri; Asante Manzi na Izuba.

Lilian Mbabazi aravugwa mu rukundo n'umunyamategeko ukomoka mu Rwanda
Mbabazi Lilian yabyaranye na Mowzey Radio
Lilian Mbabazi akorera umuziki muri Uganda ariko afite inkomoko mu Rwanda
Radio na Lilian Mbabazi batangiye gukundana bakiri muri Kaminuza ya Makerere
Radio na Lilian Mbabazi nyuma yo kubyarana basubukuraga urukundo bakongera bagashwana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .