Kwamamaza

Mbabazi Lilian agiye gusubiramo indirimbo za Kamaliza

Yanditswe kuya 26-10-2016 saa 11:32' na Munyengabe Murungi Sabin


Umuhanzi ukomeye muri Uganda, Lilian Mbabazi uherutse gukorera igitaramo i Kigali yahamije ko afite umushinga wo gusubiramo ibihangano bya Kamaliza witabye Imana mu gusigasira umurage yasize abinyujije mu buhanzi.

Mu kiganiro cyihariye na IGIHE, Lilian Mbabazi yavuze ko yatangiye umushinga wo gukora album y’indirimbo z’Ikinyarwanda azatunganyiriza mu Rwanda. Iyi ni nayo ateganya kuzasohoraho indirimbo za Kamaliza ashaka gusubiramo bundi bushya.

Yavuze ko iyo album y’Ikinyarwanda azayikora ibangikanye n’indi y’indirimbo z’Icyongereza ndetse na Luganda ateganya kuzafatanyamo n’abahanzi bakomeye muri Afurika.

Ati “Mfite n’abandi bahanzi bakomeye muri Afurika nshaka kuririmbana na bo, album nzashyira hanze mu mwaka utaha hazaba hariho indirimbo nakoranye n’abahanzi bazwi cyane muri Afurika, ubu ntabwo nabagutangariza ariko barahari.”

Yongeyeho ko yatangiye gushakisha abantu bo mu muryango wa Kamaliza kugira ngo bamuhe uburenganzira bwo kuba yasubiramo ibi bihangano, gusa ntarabona uwasigaye ahagarariye inyungu ze mu muziki.

Ati “Ndashaka no gukora album y’Ikinyarwanda, ndashaka kuyikora cyane. Ndashaka no gusubiramo indirimbo ebyiri za Kamaliza, ntabwo ndamenya neza uwasigaranye uburenganzira ngo nzavugana na we banyemerere nzisubiremo ariko ndashaka kubikora. Ni umuhanzi nakundaga kuva nkiri muto, ndifuza gusubiramo indirimbo ze.”

Arongera ati “Icyo nshaka ni ugusubiramo umuziki we, ntabwo Kamaliza akiriho ariko umuziki we uzakomeza kubaho. Ni akazi kacu nk’abahanzi gusigasira uwo murage, ibihangano yakoze birashimishije, harimo ubutumwa, numva nazisubiramo abantu bakongera bakazumva bushyashya harimo umwimerere wa Lilian.”

Yavuze ko mu bahanzi bakora umuziki mu Rwanda muri iki gihe hari abo abonamo ubuhanga kurusha benshi mu bakibyiruka. Mu bahanzi yiyumvamo cyane muri iki gihe harimo Bruce Melody, Mani Martin ndetse na The Ben.

Lilian Mbabazi mu gitaramo aheruka gukorera i Kigali

Lilian Mbabazi aheruka kuza mu Mujyi wa Kigali aho yakoreye igitaramo cyitabiriwe mu buryo bukomeye mu ijoro ryo kuwa wa Gatanu tariki ya 30 Nzeri 2016.

Mu gitaramo aheruka gukorera i Kigali...

Laurette, imwe mu ndirimbo za Kamaliza


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved