Masamba yagiye gutaramira mu Bushinwa

Yanditswe na Munyengabe Murungi Sabin
Kuya 2 Ugushyingo 2016 saa 01:17
Yasuwe :
0 0

Masamba Intore uzwi mu ndirimbo gakondo yatumiwe mu Bushinwa kuhakorera ibitaramo n’ibikorwa bitandukanye bigamije gukomeza gusakaza umuco nyarwanda no kuwusigasira.

Masamba uherutse gusohora album ya cumi yise ‘Inganzo ya Masamba Intore Icyogere’ yahagurutse i Kigali ku mugoroba wo kuri uyu wa 1 Ugushyingo 2016. Yabwiye IGIHE ko yagiye mu Bushinwa ku butumire bw’iki gihugu kugira ngo azabafashe kwizihiza ibirori byo kwishimira imyaka 45 gifitanye umubano mwiza n’u Rwanda.

Yagize ati “Ni mu birori byo kwizihiza isabukuru y’imyaka 45 ishize ibihugu byombi bifitanye umubano mwiza no gukomeza kuwusigasira. Ni ibintu byiza cyane kuko u Bushinwa buzerekana umuco wabo nanjye nzaririmba gakondo nerekane iby’iwacu.”

Masamba yavuze ko nagera mu Bushinwa azasangayo irindi torero rikomeye rigizwe n’abanyeshuri bakora umuziki wa gakondo ari naryo bazafatanya. Ati “Ngiye muri byo birori,nkazaririmba mu njyana gakondo mfatanyije n’itorero ry’abanyeshuri biga mu Bushinwa.”

Ibindi bikorwa ateganya kuzakorerayo mbere yo kugaruka mu Rwanda ngo harimo gutanga amasomo ajyanye no kwigisha urubyuruko kubyina no guhamiriza mu kurushaho kwamamaza no gusakaza umuco nyarwanda.

Masamba ateganya kuzagaruka i Kigali kuwa Mbere tariki ya 7 Ugushyingo 2016, nyuma y’aho azatangaza ibindi bikorwa byagutse ateganya gukora mu muziki.

Masamba agiye mu Bushinwa nyuma y'igihe gito asohoye album ya cumi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244