Makeda yashyizwe mu Kanama Nkempurampaka ka East Africa’s Got Talent

Yanditswe na Muvunyi Arsène
Kuya 13 Nyakanga 2019 saa 08:22
Yasuwe :
0 0

Umunyarwandakazi Makeda Mahadoe yashyizwe mu bagize akanama nkempurampaka k’irushanwa rya East Africa’s Got Talent, rigiye kuba ku nshuro ya mbere.

“Got Talent” ni ubwoko bw’ibiganiro mpamo bica kuri televiziyo zo mu bihugu bitandukanye bihuriza hamwe abanyempano mu ngeri zitandukanye bakarushanwa kugeza habonetse utsinda.

Mu byamamaye harimo Britain’s Got Talent, “America’s Got Talent”, India’s Got Talent n’ibindi.

Muri uyu mwaka wa 2019 hatangijwe East Africa’s Got Talent ihuza abakomoka mu bihugu byo muri Afurika y’Uburasirazuba ari byo u Rwanda, Uganda, Kenya na Tanzania.

Muri Gicurasi habaye amajonjora ku rwego rw’ibihugu hatoranywa abagera ku 120 bitabiriye irindi jonjora ryabereye muri Kenya mu ntangiriro za Kamena.

Kuri uyu wa 13 Nyakanga 2019, hatangajwe abazaba bagize akanama nkempurampaka k’iri rushanwa, aho buri gihugu kigiye gihagararirwa n’umuntu umwe.

Ufashe ibendera ry’u Rwanda ni Makeda Mahadoe, umugore uri mu ba mbere batangiye gukora akazi ko kuvanga imiziki, aba umunyamakurukazi ndetse ayobora ibirori bikomeye bitandukanye.

Azafatanya n’umunyamakuru wo muri Kenya Jeff Koinange, Umunya-Uganda Gaetano Kwagwa witabiriye irushanwa rya Big Brother Africa 2003, n’umunyamakuru akaba n’umuhanzikazi wo muri Tanzania, Vanessa Mdee.

Irushanwa rya East Africa’s Got Talent guhera mu kwezi gutaha rizajya rinyuzwa kuri televiziyo zitandukanye zo mu karere harimo Televiziyo y’u Rwanda, NBS Uganda, Couds TV yo muri Tanzania na Citizen TV yo muri Kenya.

Uzahiga abandi azahembwa amafaranga ibihumbi 40 by’amadorali ya Amerika.

Itsinda ry'abagize akanama nkempurampaka ririmo umunyarwandakazi Makeda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza