Mafikizolo yageze i Kigali

Yanditswe na Munyengabe Murungi Sabin
Kuya 6 Nzeri 2018 saa 11:08
Yasuwe :
0 0

Itsinda rya muzika rikomeye muri Afurika Mafikizolo ryageze i Kigali aho rije kwitabira igitaramo gikomeye kizabera i Rubavu ku mugoroba wo ku wa Gatandatu tariki ya 7 Nzeri 2018.

Theo Kgosinkwe na mugenzi we Nhlanhla Nciza bagize Mafikizolo, basesekaye ku kibuga cy’indege cya Kigali mu gitondo cyo kuri uyu wa Kane tariki ya 6 Nzeri 2018.

Aba bahanzi basanzwe bafite umuziki wumvikanamo umudiho wa kinyafurika cyane, baje baherekejwe n’itsinda ryita ku nyungu zabo ndetse n’abacuranzi bagera muri batandatu.

Mafikizolo izataramana n’abagize Gakondo Group isanzwe izwi mu Rwanda. Iri tsinda rizaririmba mu gitaramo gikomeye cyiswe ‘Igitaramo-Cultural Celebratory Gala Dinner’ nyuma y’imyaka ibiri ishize rivuye i Kigali.

Aba bahanzi mpuzamahanga, baheruka gukorera igitaramo i Kigali ubwo bataramiraga abayobozi mu nzego zitandukanye bitabiriye inama ya 27 y’Umuryango wa Afurika yunze ubumwe yahabereye mu 2016.

Nhlanhla Nciza na mugenzi we Theo Kgosinkwe bageze i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza