Kwamamaza

Kundwa Doriane na The Ben bategerejwe mu ihuriro rikomeye i Montreal

Yanditswe kuya 15-09-2016 saa 08:40' na Munyengabe Murungi Sabin


Mugisha Benjamin [The Ben] ukorera umuziki muri Amerika yatumiwe nk’umuhanzi w’imena mu ihuriro ku buringanire no gushaka icyazamura iterambere ry’umugore, rizahuza Abanyarwanda n’inshuti zabo mu Mujyi wa Montréal muri Canada.

Ihuriro ryiswe ‘Rwandan Women Convention Canada’ ryateguwe na Ambasade y’u Rwanda muri Canada, rizamara iminsi ibiri kuva ku itariki ya 16 kugeza kuri 17 Nzeri 2016.

Habineza Jaures umwe mu bagize itsinda ritegura iki gikorwa yabwiye IGIHE ko iri huriro ritegerejwemo abiganjemo Abanyarwanda n’inshuti zabo bazaturuka imihanda yose baje kwigira hamwe icyakomeza kuzamura uruhare rw’umugore mu iterambere.

Yagize ati “Ihuro Rwanda Women Canada rizahuza Abanyarwanda n’inshuti z’u Rwanda muri Canada baganira ku iterambere ry’umugore n’uburinganire, Umushyitsi mukuru dufite ni Nyakubahwa Minisitiri Louise Mushikiwabo.”

Yavuze ko umuhanzi The Ben ari we watumiwe muri iki gikorwa gikomeye, ndetse na Nyampinga w’u Rwanda umwaka wa 2015 Kundwa Doriane na we ari mu bashyitsi batumiwe.

Ati “The Ben ni we muhanzi uzava hanze ya Canada uzaza gususurutsa icyo gikorwa ategerejwe n’imbaga nyinshyi y’Abanyarwanda kuko ari n’ubwa mbere azaba ataramiye muri Canada. Miss Kundwa Doriane na we yaratumiwe, azaba ari muri iki gikorwa.”

Mu bandi bahanzi bazitabira iri huriro harimo Nicole Musoni utuye i Montreal, Empress Nyiringango utuye i Ottawa , Nyabyenda n’abandi batandukanye baba muri Canada.

The Ben ukunzwe bikomeye mu ndirimbo ‘Habibi’ agiye gutaramira muri Canada aho azava ahita yitegura ikindi gitaramo gikomeye azakorera mu Mujyi wa New York ahitwa Buffalo ku butumire bw’ihuriro ry’Abanyarwanda batuye muri aka gace. Iki gitaramo cyo kizaba ku itariki ya 1 Ukwakira 2016.

The Ben yabonetse mu bahanzi 10 ba Afurika bahataniye igihembo cya RFI
The Ben nava muri Canada azajya gukorera ikindi gitaramo i Buffalo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved