Korali Christus Regnat yateguye ibirori byo kwizihiza imyaka icumi imaze ishinzwe

Yanditswe na Munyengabe Murungi Sabin
Kuya 19 Ukwakira 2016 saa 11:22
Yasuwe : XX
118 67

Christus Regnat yo muri Kiliziya Gatolika igiye kumurika album ya gatanu mu birori bizahurirana no kwizihiza imyaka icumi imaze ishinzwe.

Iyi album nshya ya Christus Regnat yitwa “Uruhanga rw’impuhwe” ifite umwihariko wo kuba igizwe n’indirimbo zo gushimira Imana kuba yarafashije cyane iyi Korali mu myaka icumi imaze ikora umurimo w’ivugabutumwa.

Mu kiganiro na IGIHE, La Douce Nyaruhirira uyobora Chorale Christus Regnat yavuze ko gushyira hanze album ya gatanu bizahurirana no kwizihiza imyaka icumi ishize korali yabo ishinzwe no kwishimira ibikorwa by’ivugabutumwa imaze kugeraho.

Yagize ati “Twatangiye turi korali ntoya igamije gufasha abakirisitu bo kuri Centre Christus ariko kuri ubu twabaye korali nkuru imaze no gufasha imitima y’Abanyarwanda benshi. Ni nayo mpamvu dutumiye abantu bose kuzaza kwifatanya natwe kwishimira ibyiza twagezeho.”

Igitaramo cyo kumurika album ya Christus Regnat giteganijwe ku itariki ya 11 Ugushyingo 2016 kuri Lemigo Hotel guhera saa kumi n’ebyili z’umugoroba.

Korali Christus Regnat yashinzwe mu mwaka wa 2006, ivukira kuri Centre Christus i Remera mu Mujyi wa Kigali. Kuva mu mwaka wa 2008, iyi korali ibarizwa kuri Paruwasi yitiriwe Umwamikazi w’amahoro Regina Pacis.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE