Kim Kardashian na Kanye West basabye gatanya

Yanditswe na Nsengiyumva Emmy
Kuya 20 Gashyantare 2021 saa 09:07
Yasuwe :
0 0

Icyamamare muri Leta Zunze Ubumwe za Amerika, Kim Kardashian yamaze gusaba gatanya n’umugabo we uri mu baraperi bakomeye ndetse b’abaherwe ku Isi, Kanye West.

Amakuru y’uko uyu muryango wamaze gutandukana agiye hanze nyuma y’icyumweru havugwa umwuka utari mwiza muri uyu muryango.

Uyu muryango wasezeranye kubana akaramata kuva mu 2014, bivuze ko bari bamaranye imyaka hafi irindwi. Bari bafitanye abana bane.

Nkuko ikinyamakuru TMZ dukesha iyi nkuru cyabitangaje, ngo Kim Kardashian niwe wasabye gatanya mu gihe Kanye West yamaze kuyemeza.

Guhera muri Mutarama 2021, NBC News yari yatangaje ko uyu muryango utakibana mu nzu, iki gihe bavugaga ko Kanye West w’imyaka 43 asigaye yibera muri Leta ya Wyoming, mu gihe Kim Kardashian w’imyaka 40 yagumye mu nzu bari batuyemo muri Calfornia.

Nkuko ikinyamakuru TMZ kibigarukaho mu nkuru yacyo, uku gutandukana bari kugerageza kugukora mu buryo bwa gishuti.

Ibinyamakuru bitandukanye byo muri Leta Zunze Ubumwe za Amerika byo bitangaza ko umwuka mubi muri uyu muryango wazamutse umwaka ushize ubwo Kanye West yiyamamarizaga kuba Perezida wa Leta Zunze Ubumwe za Amerika.

Iki gihe Kanye West yanditse abinyujije ku rukuta rwe rwa Twitter avuga nabi umugore we.

Muri ayo magambo Kanye West yavuze ko umugore we yamuciye inyuma inshuro zitabarika, ariko icyamubabaje kurushaho ari uko umugore we yashatse kumukuriramo inda ye ya mbere.

Ibi akimara kubyandika kuri Twitter byateje amagambo menshi bitewe n’uko Meek Mill nawe yahise yandika agira ati” Wikwigira nk’aho utazi ko umugore wawe ari indaya, mwabanye ubizi”.

Guhera icyo gihe itangazamakuru ryo muri Amerika ryibasiye Kim Kardashian rimubaza niba ibyo Kanye yavuze ari ukuri, gusa ntiyigeze abihakana cyangwa ngo abyemere mu gihe Meek Mill we yasaga nk’uwabyemeye. Ibi byose nibyo byateye agatotsi mu rukundo rwabo.

Kim Kardashian na Kanye West bafitanye abana bane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .