Kigali Marriott Hotel yadabagije benshi mu birori binogeye ijisho bya OktoberFest (Amafoto)

Yanditswe na Uwiduhaye Theos
Kuya 29 Nzeri 2019 saa 06:01
Yasuwe :
0 0

Kigali Marriott Hotel yadabagije abayigana mu birori binogeye ijisho hizihizwa igikorwa ngarukamwaka cya OktoberFest 2019, cyasusurukijwe na rimwe mu matsinda acurangira muri iyi hoteli.

Iki gikorwa cya Oktober Fest cyatangiye kuba kuri uyu wa Gatandatu, kikaba giteganyijwe gusozwa kuri iki cyumweru tariki 29 Nzeri 2019.

Kigali Marriott yagiteguye yadabagije abari bakijemo ku muziki uyunguruye wacuranzwe na Micho Band, ibikinisho by’abana, ibinyobwa n’ibiribwa, tombola hagati mu bari bitabiriye ugize amahirwe agahabwa impano n’ibindi.

Cyatangiye ku gicamunsi, cyitabirwa n’abiganjemo abakomoka mu Budage kuko aribo bakizi cyane ariko n’abanyarwanda ntibahatanzwe.

Oktoberfest ni igikorwa kimaze kubaka izina mu bihugu bitandukanye, cyatangirijwe mu Budage, aho abantu bakora ibirori bimara ibyumweru bibiri guhera mu mpera za Nzeri kugeza ku Cyumweru cya mbere cy’Ukwakira bishimira ibyo bagezeho.

Ibi birori byatangiriye mu Budage mu Mujyi wa Munich guhera mu 1810 n’indi mijyi igenda ikigana.

Muri iri birori hanyobwa inzoga nyinshi, abantu bagasura ahantu nyaburanga, bagakina imikino itandukanye, hagateka ibiryo gakondo n’ibindi.

Kigali Marriott Hotel ni imwe mu zifite umwihariko wo gukunda guhora hafi abakiriya bazo, cyane ko ikora ibikorwa bitandukanye bituma benshi bayiyumvamo umunsi ku wundi.

Kigali Marriott Hotel yashyizeho uburyo butandukanye bwo gususurutsa abayisohokeramo by’umwihariko mu mpera z’icyumweru, aho izana abahanzi b’abahanga mu gucuranga umuziki uryoheye amatwi ndetse n’abahanga mu kuvanga imiziki.

Ni mu gihe kandi inategura amarushanwa azwi nka “Battle of the Bands’, ahuza amatsinda y’abahanga mu gucuranga no kuririmba mu Rwanda agamije kugaragaza abanyempano muri muzika y’u Rwanda.

Mu nyuma y’iki gitaramo cyiswe Oktoberfest giteganyijwe ku wa 28 na 29 Nzeri , ku wa 5 na 6 Ukwakira 2019, hazaba irushanwa rya Battle of Bands rizakomeza mu cyiciro cyaryo cya gatanu.

Abana ntibatereranywe kuko hari imikino yabo
Abantu bishimye bacinya akadiho
Inshuti n'abavandimwe bishinmye muri Oktoberfest yateguwe na Marriot Hotel
Habayeho umwanya abantu batombola impano zitandukanye
Ibyo kurya byari byateguwe ku bwinshi
Ifoto y'ahirengeye igaragaza uko ahabereye hari hameze
Kuza muri iki gikorwa byari amafaranga y'u Rwanda 15 000
Mc Tino niwe wayoboye ibi birori
Micho band niyo yasusurukije abari bitabiriye iki gikorwa
Micho yatumye abari bitabiriye iki gitaramo bataha bameze neza
Hari hateguwe amafunguro atandukanye, nta wishwe n'inzara
Byari umunezero ku bitabiriye Oktoberfest uyu mwaka
Abanyamahanga ni bamwe mu bizihiwe cyane n'ibi birori
Byari akarusho mu gihe cyo gufungura amafunguro yateguwe n'inzobere mu guteka za Marriot
Ibyo kurya biteye amabengeza nibyo abitabiriye Oktoberfest bazimaniwe
Umuziki wa Micho band wanyuze benshi muri iki gikorwa

Amafoto: Niyonzima Moise


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza