Kigali: Hateguwe igitaramo cyo kwibuka umucuranzi Buddy Magloire

Yanditswe na Nsengiyumva Emmy
Kuya 7 Ugushyingo 2019 saa 11:09
Yasuwe :
0 0

Nibigigwe Jean Marie Magloire wamenyekanye nka Buddy Magloire aherutse kwitaba Imana tariki 26 Ukwakira 2019, aguye mu Bubiligi. Kuri ubu hateguwe igitaramo cyo kumwibuka amafaranga azagikusanyirizwamo akazashyikirizwa umuryango we.

Igitaramo cyo kwibuka Buddy Magloire kizabera i Remera ahazwi nko kwa Jules ku Cyumweru tariki 10 Ugushyingo 2019.

Albert Rudatsimburwa, umwe mu bagize itsinda rya Nubian Gypsies uyu mugabo yanacuranzemo, yatangarije IGIHE ko iki ari igitaramo bateguye mu rwego rwo guha icyubahiro no kwibuka Nyakwigendera.

Yongeyeho ko muri iki gitaramo usibye gutaramira abantu, abazakitabira bazakusanya amafaranga bityo azaboneka akazafasha umuryango wa Nyakwigendera.

Nubian Gypsies bazacuranga muri iki gitaramo. Hazaba hari n’abacuranzi b’abahanga bize mu ishuri rya muzika rya Nyundo.

Buddy Magloire yabaye igihe kinini mu Rwanda kuva yahahungira mu 2015. Uyu mucuranzi wamenyekanye cyane i Burundi mu myaka ya za 1980, yabanje kurwarira i Kigali nyuma ajya kwivuza muri Kenya mbere y’uko ajya mu Bubiligi aho yari amaze amezi make mbere y’uko yitaba Imana. Biravugwa ko yazize indwara ya diabète.

Uyu mugabo yacuranze mu ndirimbo "Indege irahinda" yari iya Orchestre Akeza Mutima.

Ugukundwa kw’iyi ndirimbo kwatumye mu 2001 Kidum ayisubiramo akora iyitwa "Yaramenje", mu 2009 uwitwa R Flo na we ayisubiramo.

Buddy Magloire yakoze Studio ikomeye i Burundi yitwaga Next Level yakorerwagamo n’abahanzi batandukanye barimo; Yvan Muzika, Mukombozi, Kiki Toure n’abandi benshi.

Buddy Magloire yacurangiye mu itsinda Nubian Gypsies ribarizwamo na Albert Rudatsimburwa
Hateguwe igitaramo cyo kwibuka Buddy Magloire

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza