Kidum yanenze Leta y’u Burundi yafunze utubyiniro ikareka Shampiyona

Yanditswe na Nsengiyumva Emmy
Kuya 9 Gashyantare 2021 saa 12:24
Yasuwe :
0 0

Umuhanzi Nimbona Jean Pierre uzwi nka Kidum, yijujutiye bikomeye Leta y’u Burundi yafunze utubyiniro n’ibirori i, igasiga shampiyona y’umupira w’amaguru, ariyo ihuza abantu benshi.

Abinyujije ku rukuta rwe rwa Facebook, Kidum yavuze ko atumva ukuntu Leta y’u Burundi yafunze utubyiniro n’ibitaramo byaberaga mu tubari.

Kidum yagize ati “Ingingo zose zifatwa zihagarika Karaoke n’utubyiniro, Corona twabonye ko idafata abajya muri stade y’umupira w’amaguru! Abanyamuziki twaragowe.”

Aya magambo yanditse mu rurimi rw’Ikirundi, Kidum yayaherekesheje amafoto yerekana amakipe atandukanye ari gukinira mu ma stade yuzuye abafana.

Kidum yijujutiye ibi byemezo mu gihe shampiyona y’umupira w’amaguru mu Burundi igeze ku munsi wa 21.

Umwe mu bantu bo muri Federasiyo y’umupira w’amaguru mu Burundi waganiriye na IGIHE, yavuze ko nubwo shampiyona ikomeje gukinwa ariko hashyizweho amabwiriza yo gukaraba mbere yo kwinjira muri stade ndetse bagapimwa n’umuriro.

Nubwo yavuze ko atari mu mwanya mwiza wo gusubiza Kidum, yavuze ko atazi impamvu uyu muhanzi yahuje umupira n’ibitaramo.

Yagize ati “Reka nguhe urugero, mu Burundi nta Covid-19 twahoze dufite, urebye yinjiye mu gihugu mu mpera z’umwaka ushize izanwa n’abantu bavuye hanze. Akenshi usanga bakunze gutemberera mu tubari n’utubyiniro, niyo mpamvu bahisemo kudufunga kuko niho hagaragaje umurindi wo gukwirakwiza iki cyorezo.”

Mu ntangiriro za Mutarama 2021 nibwo Leta y’u Burundi yafashe icyemezo cyo gufunga utubyiniro kubera umubare w’abandura icyorezo cya Covid-19 ukomeje kwiyongera.

Kidum ni umwe mu bahanzi bakomeye mu gihugu cy'u Burundi
Kidum yagaragaje ko gufunga utubyiniro ntibafunge stade ari ukurenganya abahanzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .