Kidum watewe ubwoba ko azicwa yakiriwe bidasanzwe i Bujumbura (Amafoto)

Yanditswe na Munyengabe Murungi Sabin
Kuya 3 Nzeri 2016 saa 12:24
Yasuwe : XX
0

Umuhanzi ukomeye muri Afurika y’Uburasirazuba, Nimbona Jean Pierre [Kidum Kibido Kibuganizo] yageze i Bujumbura nyuma y’ubutumwa butabarika yakiriye abantu atazi bamutera ubwoba ko nasubira i Burundi azahita yicwa.

Kidum yari aherutse kwandika ubutumwa bw’inkurikirane kuri Facebook amenyesha abakunzi be ko yiteguye gusubira mu Burundi kuhakorera igitaramo ku butumire bwa Ambasade ya Kenya muri iki gihugu ndetse ko nta kimuteye ubwoba.

Icyo gihe yagize ati “Mu buryo bweruye ngiye kuza i Burundi ku itariki ya 1 Nzeri mu imurikagurisha rya Kenya. Nshimiye mbivanye ku mutima Ambasaderi wa Kenya mu Burundi.”

Yageze mu Mujyi wa Bujumbura kuri uyu wa 1 Nzeri 2016, yakiriwe n’isinzi ry’abiganjemo abafana bari bafite ibyapa byanditse ubutumwa bumumenyesha ko bari bakumbuye ‘kubona Kidum agarutse i Burundi’.

Abafana baje bitwaje ibyapa byanditse amagambo yereka Kidum ko bari bamukumbuye

Ku kibuga cy’indege Kidum yakiriwe na Ambasaderi wa Kenya mu Burundi ari na we wagize uruhare runini mu kumuzana. Ni nyuma y’imyaka ibiri yari ishize atahakandagiza ikirenge. Yabwiye IGIHE ko kuba igihugu agiye gukoreramo igitaramo hari imvururu n’umutekano muke nta kibazo abibonamo kuko ubuzima bwakomeje ahatari imidugararo.

Hari hashize imyaka ibiri Kidum atagera i Burundi
Kidum yafatanyije n'abakaraza bari baje kumwakira
Ibyapa byagaragaje ko uyu muhanzi yari akumbuwe
Bamukoreye ibirori byo kumwakira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza